កាលពីពេលថ្មីៗនេះ បានផ្ទុះការ Live មួយនៅលើ Instagram របស់ Coach Norith ដែលមានគណនីឈ្មោះថា nonono_rith ដោយត្រូវបានអ្នកលេងនៅលើបណ្តាញសង្គម Tik Tok បានធ្វើការចែករំលែកបន្តជាច្រើន។ នៅក្នុងការ Live មួយនោះផងដែរ បានបង្ហាញរូបលោក Goofy កំពុងធ្វើសកម្មភាពត្រាប់តាមបេក្ខភាព The Rapper ផ្សេងៗទៀតតាមរយៈការស្នើសុំរបស់អ្នកខមមែន ដែលក្នុងនោះមានដូចជាលោក YuuHai, Zedes, Dart, Eminiminamino, និងកញ្ញា Roxy ជាដើម ហើយក៏មានរួមទាំង Coach ផ្សេងៗទៀតដូចជាលោក RothKo និង Coach របស់ខ្លួនលោកផ្ទាល់គឺលោក Norith ផងដែរ។
អ្នកខមមែនជាច្រើនបានបង្ហើបចំណាប់អារម្មណ៍អោយដឹងថា លោក Goofy ពិតជាប៉ិនប្រសប់ក្នុងការត្រាប់តាមមិត្តភក្តិ និងគ្រូបង្វឹកផ្សេងៗរបស់លោកខ្លាំងមែនទែន គឺសឹងតែដូច១០០% រីឯអ្នកខ្លះទៀតក៏បានលាន់មាត់សរសើរថា មួយក្រុមនេះគឺគ្រាន់បានលោក Goofy ម្នាក់នេះហើយ ទុកគ្រាន់បានធ្វើអោយសើចលេងខ្លះ។ បន្ថែមពីលើនេះទៀតលោក Goofy ក៏នៅបានធ្វើត្រាប់សូម្បីតែតារា Tik Tok កំប្លែងភេទទី៣ Cherry ដែលកំពុងក្លាយជាប្រធានបទ Trending ក្នុងពេលបច្ចុប្បន្ន ដែលទាក់ទាញអោយពួកគេទាំងអស់គ្នាមានការហួសចិត្តចំពោះការខមមែនឡើងរបស់អ្នកគាំទ្រ ក៏ដូចជាអស់សំណើចនឹងអ្នកនៅតែហ៊ានស៊ូបង្ហាញសមត្ថភាពដូចជាលោក Goofy ផងដែរ។
នៅលើបណ្តាញសង្គមហ្វេសប៊ុកក៏មានការចែករំលែកបន្តវិដេអូ Live នៅត្រង់ចំនុចនេះ និងដាក់ជាមួយខេបសិន Troll ឡើងថា Cherry Version Goofy ផងដែរ ដែលធ្វើអោយសូម្បីតែលោក Goofy ខ្លួនឯងក៏ចែករំលែកបន្តផងដែរ។ តាមរយៈសកម្មភាពទាំងនេះរបស់លោក Goofy អាចធ្វើអោយបណ្តាអ្នកគាំទ្រមើលឃើញពីបុគ្គលិកលក្ខណៈថ្មីៗជាច្រើនរបស់លោក ជាពិសេសត្រង់ចំនុចថាលោកជាមនុស្សមានសិល្បៈក្នុងខ្លួន និងចូលចិត្តធ្វើអោយអ្នកដទៃរីករាយ។
