មួយរយៈកន្លងទៅនេះ សង្កេតឃើញ Rean Podcast ផ្ទុះការចាប់អារម្មណ៍ជាថ្មី បន្ទាប់ពីបណ្តារ៉េបផ័រមួយចំនួនបានផ្តល់កិច្ចសម្ភាសន៍ស៊ីជំរៅ និងក្តៅគគុក ជាពិសេសបែប Real Real vibe តែម្តង។ ឧទាហរណ៍បន្ទាប់ពីការចូលរួមរបស់លោកខ្មែរមួយជីវិតលើប្រធានបទហ៊ីបហប់នៅស្រុកខ្មែរកាលពី3សប្តាហ៍មុន និងការចូលរួមរបស់លោកYuuhai លើប្រធានបទមូលហេតុដែលលោកជ្រើសរើសយកការរ៉េបកាលពី2សប្តាហ៍មុនជាដើម។ កាលពីពេលថ្មីៗនេះផងដែរ Rean Podcast ក៏ទើបតែបានទំលាក់ Trailer Episode ថ្មីមួយទៀតដែលបាននាំយករ៉េបផ័រថ្មីថ្មោងម្នាក់ទៀតគឺលោក Goofy មកចូលរួមផ្តល់បទសម្ភាសន៍នៅក្នុងកម្មវិធីមួយនេះ។ ការចូលរួមរបស់លោក Goofy ក៏ទាក់ទាញការ Heat និងការរង់ចាំទស្សនាយ៉ាងខ្លាំងសម្បើមផងដែរមិនបាញ់បណ្តារ៉េបផ័រមុនៗនោះទេ ជាពិសេសអ្នកគាំទ្រកំពុងតែចង់ដឹងពីខ្សែជីវិតពិតរបស់លោក និងបានស្គាល់លោកមួយបែបទៀតក្នុងជីវិតពិតជាក់ស្តែង។

នៅក្នុង Episode នេះផងដែរ Rean Podcast បានអោយដឹងថា នឹងត្រូវចាក់ផ្សាយឡើងនៅម៉ោង6ល្ងាចនេះហើយ។ ដោយនៅ Highlight នៃ Trailer នោះក៏បានបង្ហាញរៀបរាប់ពីលោក Goofy និយាយរៀបរាប់ពីខ្សែជីវិតត្រួសៗរបស់លោក មុននឹងលោកបានឈានមកដល់ចំនុចនេះ ដោយពូជ្រួញបានលើកឡើងជាមួយនឹងខេបសិនថា«៧នាទីខ្ញុំ២នាក់ Norith - នរិទ្ធ  ស្តាប់ខ្សែរជីវិតគាត់ឡើងស្លុង! Goofy-20  ពូកែបរិយាយណាស់!»។ ឃើញថាលោក Goofy បានរៀបរាប់ដល់ចំនុចដែលលោកត្រូវចាកចេញពីផ្ទះទៅរស់នៅប៉ោយប៉ែតម្នាក់ឯង ស្វែងរកមិត្តភក្តិ និងស្វែងរកការងារថែមទៀតផង។ តោះចង់ដឹងថា Episode ទាំងមូលមានរសជាតិយ៉ាងម៉េចខ្លះ ទស្សនិកជនកុំភ្លេចរង់ចាំទស្សនាទាំងអស់គ្នា!