ឆ្លងកាត់ព្យុះ និងការប្រកួតរាប់មិនអស់ ទីបំផុតអតីតបេក្ខភាព The Rapper ទាំងពីររូបនេះបានចាប់ដៃគ្នារួមសហការចេញបទចម្រៀងថ្មីដំបូងបង្អស់របស់ពួកគេទាំងពីរហើយ ដែលមានចំណងជើងថា«Out Of Time»។

សង្កេតឃើញថា បទចម្រៀងនេះគឺហាក់ដូចជាបង្ហាញពីអារម្មណ៍ដ៏ពុះពោរក្តៅគគុករបស់ពួកគេទាំងពីរឈរជើងនៅក្នុងសមរភូមិ ដោយពួកគេម្នាក់ៗហាក់ដូចជាមិនអាចបណ្តោយពេលវេលាតទៅទៀតទេ រឺត្រូវដកខ្លួនពីពិភពគុននោះឡើយ ប៉ុន្តែផ្ទុយមកវិញនឹងវិលត្រលប់និងបន្តទៅមុខនៅក្នុងសមរភូមិរ៉េបផ័រនេះតែម្តង ដើម្បីអោយដឹងថានរណាសក្តិសមហៅថាជាកំពូល Rapper ពិតប្រាកដ។

គួរបញ្ជាក់ផងដែរថា បទចម្រៀងមួយនេះត្រូវបានទំលាក់ឡើងជាផ្លូវការនៅលើឆាណែលយូធូបរបស់លោក Gmengz ផ្ទាល់កាលពីថ្ងៃទី១៨ ខែធ្នូកន្លងទៅ ដោយកត់សម្គាល់ឃើញថាលោកក៏បានធ្វើការ Shout Out ទៅកាន់ដៃគូគ្នីគ្នា Homies របស់លោកទាំងអស់គ្នាដែលមានចំណែកនៅក្នុងបទចំរៀងមួយនេះ ដែលរួមមានដូចជាលោក Goofy,Tai Fuu, Rushh, និង DOM ជាដើម។

ខណៈដែលលោក Changster វិញ ដែលបានរួមបកស្រាយបទចំរៀងនេះ ក៏បានសម្តែងការអរគុណទៅកាន់ក្រុមការងារដ៏ធំទាំងអស់ និងបង្ហាញថានេះជាលើកដំបូងរបស់លោកដែលបានរួមការងារជាមួយ Team ជាពិសេសគឺលោក Gmengz ផ្ទាល់ ហើយលោកពិតជាពេញចិត្តនូវ Masterpiece មួយនេះខ្លាំងណាស់។ ចុះទស្សនិកជនយល់ឃើញយ៉ាងណាដែរសម្រាប់បទចំរៀងមួយនេះ?