ការកើនឡើងនៃការវាយប្រហាររបស់ក្រុមហាម៉ាសលើកងទ័ពអ៊ីស្រាអែលនៅភាគខាងជើងហ្គាហ្សាជាមួយនឹងការប្រយុទ្ធគ្នាយ៉ាងខ្លាំងក្លានៅតំបន់ Khan Yunis! តើ​កងទ័ព​អ៊ីស្រាអែល​កំពុងត្រូវ​បាន​រំខាន​ដោយ​ប្រតិបត្តិការរីកធំឡើង​របស់​ពួកគេ​នៅ​ភាគ​ខាង​ត្បូង​ឬ? ក្រុមហាម៉ាសនៅតែគ្រប់គ្រងលើតំបន់ភាគខាងជើង! ពួកគេ​បានដុត​រថក្រោះ​អ៊ីស្រាអែល​យ៉ាងស្ងាត់ៗរហូត​ដល់​ថតរូប​សែលហ្វី​ជាមួយ​រថក្រោះ​ដែលកំពុងឆេះនោះផងដែរ! ការប្រយុទ្ធរបស់ក្រុមហាម៉ាសនៅសង្កាត់ Shujaiya នៃភាគខាងជើងតំបន់ហ្គាហ្សាបង្ហាញពីការបរាជ័យរបស់អ៊ីស្រាអែលក្នុងការគ្រប់គ្រងលើភាគខាងជើងហ្គាហ្សា រួមជាមួយនឹងការកើនឡើងនៃការវាយប្រហាររបស់យេម៉ែនលើទីក្រុងEilat និងការគំរាមកំហែងនៃសង្រ្គាមរបស់អ៊ីស្រាអែលលើភាគខាងត្បូងលីបង់ និងការផ្លាស់ទីប្រជាជនទៅកាន់ភាគខាងជើងនៃទន្លេ Litani! តើក្រុមហាម៉ាសនឹងឈ្នះមែនទេ? ឬសង្គ្រាមនេះនឹងរីកធំឡើង?

1. ក្រុមហាម៉ាសដុតរថក្រោះអ៊ីស្រាអែលនៅភាគខាងជើងហ្គាហ្សា

យោងតាមសារព័ត៌មាន Critical Threats ចុះផ្សាយថ្ងៃទី06 ខែធ្នូបានអោយដឹងថា IDF បានបន្តប្រតិបត្តិការបោសសម្អាតមកដល់សង្កាត់ Shujaiya នៃទីក្រុងហ្គាហ្សាភាគខាងកើត។ IDF បាននិយាយថាពួកគេបានមកដល់ចំណុចស្នូលកណ្តាលនៃសង្កាត់ Shujaiya កាលពីថ្ងៃទី 5 ខែធ្នូ។ កងពលតូច al Quds បានវាយប្រហារលើកងកម្លាំងអ៊ីស្រាអែលតាមទិសដៅឆ្ពោះទៅកាន់សង្កាត់ Shujaiya ជាមួយនឹងអាវុធ IEDs, RPGs និងគ្រាប់កាំភ្លើងប្រឆាំងនឹងពាសដែក។ កងពលតូច al Quds ក៏បានបាញ់គ្រាប់រ៉ុក្កែតប្រឆាំងរថក្រោះទៅលើកងកម្លាំងអ៊ីស្រាអែល ដែលឆ្ពោះទៅកាន់សង្កាត់ Shujaiya ពីសង្កាត់ al Tuffah ផងដែរ។ កងពលតូច al Qassem បានបង្ហោះវីដេអូនៃយុទ្ធជនរបស់ខ្លួនវាយប្រហារលើរថយន្តយោធាអ៊ីស្រាអែលជាមួយនឹងគ្រាប់រ៉ុក្កែតប្រឆាំងរថក្រោះនៅក្នុងសង្កាត់ Shujaiya កាលពីថ្ងៃទី5 ខែធ្នូ។ វីដេអូនោះបង្ហាញឡើងរថក្រោះ Merkava របស់អ៊ីស្រាអែលដែលកំពុងឆាបឆេះនៅសង្កាត់ Shujaiya ។

2. Gallant គំរាមភាគខាងត្បូងលីបង់ជាមួយនឹងការផ្លាស់ទីប្រជាជន

យោងតាមសារព័ត៌មាន The Times of Israel ចុះផ្សាយថ្ងៃទី០៦ ខែធ្នូបានអោយដឹងថា រដ្ឋមន្ត្រីការពារជាតិអ៊ីស្រាអែលលោក Yoav Gallant បានជួបនឹងអភិបាលក្រុង និងប្រធានក្រុមប្រឹក្សានៅជិតព្រំដែនលីបង់នៅភាគខាងជើង ដោយលើកសន្យាថាសហគមន៍របស់ពួកគេដែលត្រូវបានជម្លៀសចាប់តាំងពីការប៉ះទង្គិចដោយសង្គ្រាមរវាងហាម៉ាសនៅតាមព្រំដែនជាញឹកញាប់ចាប់តាំងពីខែតុលាមក នឹងមិនត្រូវបានត្រឡប់ទៅផ្ទះវិញនោះទេរហូតទាល់តែក្រុមភេរវករ Hezbollah គាំទ្រដោយអ៊ីរ៉ង់នឹងត្រូវបានរុញច្រានទៅកាន់ភាគខាងជើងនៃទន្លេ Litani នេះបើយោងតាមសេចក្តីរាយការណ៍របស់ប្រព័ន្ធផ្សព្វផ្សាយភាសាជ្វីហ្វ ។

ដោយដំណោះស្រាយក្រុមប្រឹក្សាសន្តិសុខអង្គការសហប្រជាជាតិលេខ 1701 ដែលបានបញ្ចប់សង្រ្គាមលីបង់លើកទីពីរក្នុងឆ្នាំ 2006 បានរារាំងក្រុមហេសបូឡា ពីការរក្សាវត្តមានយោធានៅភាគខាងត្បូងនៃទន្លេ Litani។

អ្នកស្រុកប្រហែល 80,000 នាក់នៃសហគមន៍នេះត្រូវបានជម្លៀសចេញ ហើយកំពុងស្នាក់នៅបណ្តោះអាសន្នក្នុងសណ្ឋាគារ និងកន្លែងផ្សេងទៀត ដោយទទួលបានថវិកាផ្គត់ផ្គង់ពីរដ្ឋ។ មនុស្ស​ជា​ច្រើន​បាន​សម្តែង​ការ​ព្រួយ​បារម្ភ​ថា ពួក​គេ​នឹង​ប្រឈម​នឹង​គ្រោះ​ថ្នាក់​នៅ​ពេល​ពួក​គេ​ត្រឡប់​ទៅ​ផ្ទះ​វិញ ប្រសិន​បើ​ក្រុម Hezbollah មិន​ត្រូវ​បាន​​រុញ​ចេញ​ពី​តំបន់​ព្រំដែននោះ។

3. យេម៉ែនវាយប្រហារទីក្រុង Eilat

យោងតាមសារព័ត៌មាន The Times of Israel ចុះផ្សាយថ្ងៃទី០៦ ខែធ្នូបានអោយដឹងថា យោធាបាននិយាយថា ប្រព័ន្ធការពារដែនអាកាស Arrow រយៈចម្ងាយឆ្ងាយរបស់អ៊ីស្រាអែល កាលពីថ្ងៃពុធ បានបាញ់ទម្លាក់មីស៊ីលផ្លោងមួយគ្រាប់ដែលបាញ់ដោយក្រុម Houthis គាំទ្រដោយអ៊ីរ៉ង់នៃប្រទេសយេម៉ែនលើសមុទ្រក្រហម។

ឧបទ្ទវហេតុនេះបានបង្កឡើងសំលេងស៊ីរ៉ែននៅក្នុងទីក្រុង Eilat ភាគខាងត្បូងបំផុតរបស់អ៊ីស្រាអែល ទោះបីជាកងកម្លាំងការពារអ៊ីស្រាអែលបាននិយាយថា មីស៊ីលនេះមិនបានចូលទៅក្នុងដែនអាកាសអ៊ីស្រាអែលឡើយ។

IDF បាននិយាយនៅក្នុងសេចក្តីថ្លែងការណ៍មួយថា“គោលដៅ​មិន​បាន​ឆ្លង​ចូលមក​ក្នុង​ទឹកដី​របស់អ៊ីស្រាអែល​ទេ ហើយ​ក៏​មិន​បង្ក​ការ​គំរាម​កំហែង​ដល់​ជន​ស៊ីវិលនោះ​ដែរ”។

ក្រុមឧទ្ទាមគាំទ្រដោយអ៊ីរ៉ង់មួយនេះ ក្រោយមកបានអះអាងទទួលខុសត្រូវចំពោះការវាយប្រហារនេះ ដោយបាននិយាយថា ខ្លួនបានបាញ់មីស៊ីលជាច្រើនគ្រាប់ទៅកាន់"គោលដៅយោធាមួយចំនួន" នៅក្នុងតំបន់ទីក្រុង Eilat ។