We made it YA YA YA! ក្លាយជា Trending ថ្មីមួយនៅលើបណ្តាញសង្គម បន្ទាប់ពីលោកជីដេវីតទើបតែបានបង្ហើបបទចម្រៀងថ្មីមួយ និង Perform ជាលើកដំបូងមុនចេញផ្សាយជាពិសេសនៅក្នុងការប្រគំតន្រ្តី Drift Phunk របស់លោកកាលពីរាត្រីថ្ងៃទី០៨ ខែមិថុនា កន្លងទៅនេះ។ បទថ្មីរបស់លោកជីដេវីតនេះមានចំណងជើងថា«We Made It» ដែលលោកបានច្រៀងឡើងរួមជាមួយនឹង DJ កូរ៉េដ៏ស្រស់ស្អាត DJ Soda ហើយទំនងជាបទចម្រៀងនេះត្រូវបានច្រៀងឡើងដើម្បីអរគុណទៅកាន់ហ្វេនៗរបស់ពួកគេផងដែរ ដោយមាន DJ Soda ច្រៀងបន្ទរតាមក្រោយថា«We Made It YA YA YA»។
យ៉ាងណាមិញផងដែរ បន្ទាប់ពីការសម្តែងនូវបទចម្រៀងនេះចប់ DJ Soda ក៏ទទួលបានបាចផ្កាដ៏ស្រស់ស្អាតពីនាយកប្រតិបត្តិការនៃក្រុមហ៊ុនស្រាបៀវឌ្ឍនៈ អ្នកឧកញ៉ា សំអាង វឌ្ឍនៈ ផងដែរ ហើយបន្ទាប់មកលោកជីដេវីតក៏បានលលេងនឹងអ្នកឧកញ៉ាថា តោះ! ទាន់រូបលោកនៅលើឆាកតន្រ្តីនេះដែរ សូមអោយបណ្តាអ្នកគាំទ្រធ្វើការស្នើសុំតាមចិត្តសំរាប់ការនាំមកជូនរបស់ក្រុមហ៊ុនស្រាបៀវឌ្ឍនៈនាឳកាសក្រោយៗទៀត។
គួរបញ្ជាក់ផងដែរថា នេះគឺជាការប្រគំតន្រ្តី Solo ថ្មីមួយទៀតពីលោកជីដេវីតក្រោមបរិយាកាសសប្បាយៗ និងអាចចូលរួមទស្សនាដោយសេរីនៅឯទល់មុខសាលមហោស្រពកោះពេជ្រ ដោយលោកជីដេវីតបានត្រៀមឡើងជាមួយនឹងតារាងបទចម្រៀងជាច្រើនបទ មានទាំងបទថ្មីៗ និងបទចាស់ៗ ដែលលោកជីដេវីតក៏បានភ្ជាប់ឡើងជាមួយនឹងឃ្លា Slogan នៃ Concert នេះថា «We made it unbelievable» និងរួមជាមួយលោកនៅក្នុងរូបភាព Poster បែប Action នៃមនុស្សយន្តឡូយប្លែកតែម្តង។ ខណៈដែលនេះក៏ជាលើកដំបូងរបស់ DJ Soda ផងដែរ ដែលបានច្រៀងរ៉េបនៅលើឆាកដ៏ធំរបស់កម្ពុជានៅក្នុងបទចម្រៀងរួមគ្នាជាមួយលោកជីដេវីត។