គ្មានអ្វីល្អដូចជាក្លឹបកម្សាន្ត Patron De Santo នោះទេ! ទាំងអញ្ជើញតារាកំពូលៗមកសម្តែងផង​​​ មកជាភ្ញៀវផង ដើម្បីកំដរបរិកាសដ៏រីករាយនៃរាត្រីកាល! ចំណែកកាលពីពេលថ្មីៗនេះ ក៏ស្រាប់តែបែកធ្លាយការចែករំលែកថ្មីមួយទៀតដែលបង្ហាញថាលោក Athika ម្ចាស់ក្លឹបកំសាន្ត Patron De Santo ថែមទាំងចុះទន់អនុញ្ញាតអោយ Dj របស់ក្លឹបចាក់បទអ្វីក៏បានដែរ អោយតែភ្ញៀវរបស់លោកបានរីករាយ! ខណៈនៅពេលនោះដែរ ក៏បានផ្ទុះការចាប់អារម្មណ៍ជាខ្លាំង ដោយទិដ្ឋភាពបានបង្ហាញឡើងថាលោក Athika និងលោកជីដេវីត ដែលជាដៃគូប៉ិនឌឺ និងកូរដូចគ្នា កំពុងតែឆ្លងឆ្លងនិយាយលេងសើចជាមួយគ្នាកំដរទស្សនិកជន ដោយម្នាក់នៅលើឆាក ម្នាក់ទៀតស្រែកពីកន្លែងទស្សនាមក។ 

ដោយនៅខណៈនោះ Dj បានចាក់បទចម្រៀងរបស់លោកវណ្ណដាឡើង ហើយលោក Athika ក៏បានសួរលោកជីដេវីត​​​បែបលេងសើចថា«ហេតុអ្វីមិនច្រៀង?» លោកជីដេវីតក៏បានសើចទាំងអឹមអៀន និងនិយាយត្បកវិញថា«បទវណ្ណដាហ្នឹង!» ដែលធ្វើអោយទាំងទស្សនិកជន និងលោក Athika ស្រែកហ៊ោឡើងតែម្តង ព្រោះមិនងាយឃើញទេដែលឃើញលោកជីដេវីត Mention ហៅឈ្មោះលោកវណ្ណដាត្រង់ៗបែបនេះ។ លោក Athika ក៏បានបន្តឡើងថា មុនមក Dj ក៏បានសួរលោកផងដែរ អាចចាក់បទលោកវណ្ណដាបានរឺអត់ លោក Athika ក៏អូខេ ព្រោះមិនប្រកាន់អ្វីច្រើនទេអោយតែភ្ញៀវនៃក្លឹបកម្សាន្ត Patron De Santo បានសប្បាយទាំងអស់គ្នា។ ខណៈលោកជីដេវីតក៏បានលាន់មាត់បែបលេងសើចថា«វិធីប្រម៉ូតមានមួយគគោក ចេះតែប្រើវិធីបង្កើតរឿងអ៊ីចឹងហើយ»។ មើលទៅម្តងនេះ ទាំងលោក Athika និងលោកជីដេវីតដូចជាប្រើវិធីលះបង់ និងចុះទុនបន្តិចហើយ ដើម្បីអោយតែហ្វេនៗរបស់ពួកគេសប្បាយរីករាយ!