ដោយមានរូបដាយណូស័រពណ៌បៃតងជានិម្មិតសញ្ញានៃលោកជីដេវីត ការប្រគំតន្រ្តី PS2xវ មិនអាចធ្វើទៅបានដោយខានឡើយបើគ្មានពណ៌បៃតងដ៏ស្រស់ឆើតនិងទាក់ទាញបំផុត។ រាប់ចាប់តាំងពីតារាងបទចំរៀង និងគំរបអាល់ប៊ុម រួមទាំងខនសិបនៃខនសឺត និងខនសិបនៃបទចម្រៀង ពីអាល់ប៊ុមផាសិន១រហូតដល់អាល់ប៊ុមផាសិន២Ep1 ការប្រគំតន្រ្តី PS2xវ អមជាមួយនឹងនិម្មិតសញ្ញាដាយណូស័របានក្លាយទៅជាការប្រគំតន្រ្តីលក្ខណៈ Solo និងដោយផ្ទាល់ខ្លួនបំផុតសំរាប់លោកជីដេវីត។ កាលពីប៉ុន្មានថ្ងៃមុននេះបន្តិចផងដែរនៅមុនយប់នៃការប្រគំតន្រ្តី PS2xវ ដ៏អស្ចារ្យកាលពីថ្ងៃអាទិត្យទី៤ខែមករាកន្លងទៅនេះ លោកជីដេវីតបានធ្វើការទំលាក់តារាងឈ្មោះបទចំរៀងទាំង២០បទរបស់លោកសំរាប់លើកយកទៅសម្តែងនៅក្នុងការប្រគំតន្រ្តីផ្ទាល់របស់លោកនៅវេលាតាំងពីថ្ងៃត្រង់ផងដែរ។
គួរបញ្ជាក់ផងដែរកម្មវិធីនេះត្រូវបានធ្វើឡើងនៅសួនច្បារអគារវឌ្ឍនៈរាជធានីភ្នំពេញចាប់ពីម៉ោង៤រសៀលតទៅ។ ក្រោយពីការទំលាក់តារាងឈ្មោះបទចម្រៀងនោះមក ដូចការរំពឹងទុកបណ្តាអ្នកគាំទ្រជាច្រើនបានបង្ហាញអារម្មណ៍រំជើបរំជួលចង់ទស្សនាការប្រគំតន្រ្តីនោះកាន់តែខ្លាំង។ យ៉ាងណាមិញផងដែរកត់សម្គាល់ឃើញថាបទចម្រៀងទាំង២០បទរបស់លោកនោះ រួមមាន៣បទជាបទថ្មីស្រឡាងតែម្តងពីក្នុងអាល់ប៊ុម Passion Ep1 ដែលមានបទ Bullet Proof, Number 1 Bad Bitch និងបទSo What? ។ ចំណែកឯបទផ្សេងៗទៀតមានដួចជាបទថ្មីៗរបស់លោកដូចជាជំហ៊ានជ័យ, How about now?, My Brother, Goblin និងបទចាស់ៗវិញមានដូចជាបទLive Fast Die Young, Rose, ពាក្យបីម៉ាត់ និង Broken Promiseជាដើម។ មុននេះបន្តិចក្រុមហ៊ុនស្រាបៀវឌ្ឍនៈបានបង្ហាញថានេះជាការប្រគំតន្រ្តីដើម្បីអបអរការចេញអាល់ប៊ុមថ្មី Passion2TheSkyរបស់លោកជីដេវីត ចុះតើនឹងមានអ្វីលើសពីនេះទេសំរាប់ការប្រគំតន្រ្តីមួយនេះ?
