នៅយប់ថ្ងៃទី១៧ ខែតុលាកន្លងទៅនេះ គេប្រទះឃើញវីដេអូ Viral មួយបង្ហោះឡើងតៗគ្នានៅលើ TikTok ដោយអ្វីជាការធ្វើអោយមានការភ្ញាក់ផ្អើល បើមើលមិនច្រលំទេ លោកជីដេវីតកំពុងតែរាំនិងច្រៀងបទចំរៀងរបស់លោកវណ្ណដានូវបទ«Solo Again» នៅក្នុង Temple Club នៅឯខេត្តសៀមរាបផងដែរ។ គួរអោយចាប់អារម្មណ៍ផងដែរឃើញថាលោកជីដេវីតក៏ធ្លាប់បានរាំបទចំរៀង«Solo Again» ដែលត្រូវធ្លាប់បានមហាជនថតបានផងដែរកាលពីខែមេសា ឆ្នាំ២០២២កន្លងទៅនេះ។ មហាជនជាច្រើនមានចំណាប់អារម្មណ៍ឃើញថាលោកជីដេវីតពិតជាគាំទ្របទចំរៀង«Solo Again» របស់លោកវណ្ណដានេះខ្លាំងមែនទែន មិនតែប៉ុណ្ណោះពួកគេពិតជាចង់អោយអាយដលទាំងពីររបស់ពួកគេបានចាប់ដៃសហការជាមួយគ្នានៅថ្ងៃណាមួយ។ ម្យ៉ាងវិញទៀតផងដែរ ក៏មានមនុស្សមួយចំនួនទៀតបានប្រៀបធៀបទំនាក់ទំនងរបស់ពួកគេទៅនឹងលោកជីដេវីត និងលោក Vin Vitou ដែលជាសមាជិករបស់ក្រុម KlapYaHandz ហើយក៏ជាស្វាមីរបស់អ្នកនាង Mariam Brown ផងដែរ ដែលទំនាក់ទំនងរបស់លោកនិងជីដេវីតពីមុនត្រូវបានមហាជនគិតថាពួកគេមិនស៊ីខ្សែគ្នា រឺមានការរកាំរកូសជាមួយគ្នា ប៉ុន្តែនៅពេលមួយនោះលោកជីដេវីតបានចូលមក្នុង Vlog របស់លោក Vin Vitou យ៉ាងធម្មតា ហាក់មិនមានរឿងទាស់ទែងជាមួយគ្នាអ្វីឡើយ។ 

បើមិនទៅលើវីដេអូបែកធ្លាយមួយនោះ លោកជីដេវីតហាក់ដូចជាមានភាពសប្បាយរីករាយនឹងច្រៀងរាំតាមចង្វាក់ភ្លេង និងរីករាយជាមួយនឹងបរិយាកាសដែលមានមនុស្សអ៊ូអរច្រៀងរាំជាមួយនឹងលោកផងដែរ។ បើដូចនេះអាចថាជារឿងដ៏រំភើបមួយដែលលោកជីដេវីតបង្ហាញសកម្មភាពវិជ្ជមានគាំទ្របើកចំហដល់សិល្បករឯទៀត ជាពិសេសគឺលោកវណ្ណដាផងដែរ ហើយនេះក៏សបញ្ជាក់អោយឃើញថាសិល្បករម្នាក់ៗមានភាពពិសេសរៀងខ្លួន ហើយក៏មិនចាំបាច់ត្រូវច្រណែននឹងភាពល្អរបស់អ្នកឯទៀតនោះទេ។