ចម្រៀងក៏អាចកំាបិត ហើយក៏អាចជាបង្អែមនៃជីវិត មិនពេញចិត្តក៏យើងទាំងអស់គ្នាអាចសាកល្បងបាន។ ជាក់ស្តែងកាលពីថ្មីនេះ​ មានការលេចធ្លាយនូវវីដេអូខ្លីមួយរបស់លោក G-Devith នៅលើគណនី​ តិកតុក​ ឌីជេ ហៀង​ (DJz Heang)ក្នុងបណ្តាញសង្គម TikTok អបជាមួយនឹង Caption ថា “ក្នុងនាម​ Rapper ជាអ្នកសិល្បៈដូចគ្នា ពួកយើងគួរតែគាំទ្រ សិល្បៈស្នាដៃកូនខ្មែរ ដូចជា​រូបគាត់”។ មិនយូរប៉ុន្មានវីដេអូនេះបានធ្វើអោយមានអ្នកទស្សនាចំនួនជាង២លានដង និងធ្វើអោយមហាជនមានការភ្ញាក់ផ្អើលជាខ្លាំងបន្ទាប់ពីបានរកឃើញថា លោក ជីដេវីដ បានកំពុងរាំលេងកំសាន្តនៅក្នុងក្លឹបរាត្រីមួយកន្លែងនៅឯទីក្រុងភ្នំពេញ ជាមួយនឹងបទ Solo Again របស់លោក វណ្ណដា ដោយមានទឹកមុខយ៉ាងសប្បាយរីករាយ​។ នេះបញ្ជាក់ឲ្យឃើញថា ចម្រៀងគឺជាបង្អែម ដែលទាំងអាយដល G-Devith និង អាយដល វណ្ណដា សុទ្ធតែអាចភ្លក់​ម្នាក់ម្តងបាន ហើយការលេចចេញនូវវីដេអូនេះ ក៏ជួយស្រាយចង្ងល់អោយឃើញថា ចំណងមិត្តភាពរបស់ពួកគាត់ក្នុងវិស័យសិល្បៈចម្រៀង​ ឲ្យកាន់តែមានភាពល្អប្រសើរ និងគ្មានការស្អប់ឬការគុំគួនចំពោះគ្នាអ្វីនោះឡើយ។ មិនតែប៉ុណ្ណោះក៏មានអ្នកគាំទ្រនិងមហាជនជាច្រើនបានធ្វើការ Comment ដោយសេចក្តីត្រេកអរនិងចង់ឃើញតារាចម្រៀងដែលពួកគេច្រៀងស្រឡាញ់និងពេញចិត្តច្រៀងរួមគ្នាក្នុងបទចម្រៀងតែ១ជាខ្លាំង។

អត្ថបទដោយ គុយដង់