កាលពីថ្ងៃទី៤ ខែកុម្ភៈកន្លងទៅនេះ លោកជីដេវីតបានសម្តែងការប្រគំតន្រ្តីបទចំរៀងរបស់លោកចំនួន២០បទនៅក្នុងការប្រគំតន្រ្តី PS2 x វ។ សង្កេតឃើញថានៅក្នុងបទចម្រៀងទាំង២០បទរបស់លោកនោះ មានចំនួន៣បទជាបទថ្មីសុទ្ធសាធពីក្នុងអាល់ប៊ុមផាសិន២ The Sky តែម្តង។ យ៉ាងណាមិញផងដែរនៅលើបណ្តាញសង្គម Tik Tok ក៏មានការចែករំលែកបន្តគ្នានូវបទចម្រៀងថ្មីៗរបស់លោកជាច្រើនផងដែរ។ នៅក្នុងសម្តែងបទថ្មីរបស់លោកទាំង៣បទនោះមានដូចជាបទ​​​Bullet Proof, Number 1 Bad Bitch និងបទ So What? ជាដើម។ 

នៅក្នុងស្ទាយល៍នៃបទចម្រៀងថ្មីៗរបស់លោកនោះសង្កេតឃើញថាមានដូចជាឈុតឆាកក្នុងសំលៀកបំពាក់ឈុតសំលៀកបំពាក់ជប៉ុន និងកាន់ដាវ Samurai ផងដែរ ដែលបង្ហាញពីការច្បាំងនៅក្នុងសមរភូមិយ៉ាងឡូយអស្ចារ្យ ទំនងជាការប្រៀបធៀបសិល្បៈសង្គ្រាមទៅនឹងសមរភូមិសង្គ្រាម។  ចំណែកនៅក្នុងការសម្តែងបទថ្មីមួយទៀតវិញ លោកជីដេវីតបានកាន់កាំភ្លើងបាញ់ផ្សែងយ៉ាងទំនើង និងឡូយសង្ហា គ្រវែងនិងបាញ់ទៅតាមចង្វាក់ភ្លេង ស៊ីគ្នានឹងបទចម្រៀងនោះតែម្តង មើលទៅឡើងស្ទាវ។​​​ ថ្វីបើការប្រគំតន្រ្តីមួយនេះមិនមានការចាក់ផ្សាយបន្តផ្ទាល់ តែព្រឹត្តិការណ៍ជាច្រើនត្រូវបានចែករំលែកនៅលើបណ្តាញសង្គម និងទស្សនិកជនជាច្រើនកាន់តែអោយតំលៃលើសំបុត្រកាន់តែខ្លាំង អេដមីនជឿថាការប្រគំតន្រ្តីសាក្រោយៗទៀត លោកជីដេវីតនឹងលក់សំបុត្រដាច់អស់លឿនភ្លាមៗតែម្តង។ តើទស្សនិកជនពេញចិត្តបទចម្រៀងមួយណារបស់លោកជីដេវីតច្រើនជាងគេ?