បន្ទាប់ពីបានសម្តែងនៅក្នុងការប្រគំតន្រ្តី Pleng Cambodia Top 50 នៅឯខេត្តកំពង់ចាម លោកជីដេវីតបានត្រលប់មកវិញជាមួយនូវក្តីស្រលាញ់ និងកំលាំងចិត្តកាន់តែខ្លាំង និងកាលពីថ្ងៃទី១២ ខែកុម្ភៈកន្លងទៅនេះ លោកជីដេវីតក៏បានប្រកាសធ្វើការទំលាក់បទចម្រៀងទាំងអស់នៅក្នុង Ep 1 នៃអាល់ប៊ុម PS2 The Sky នៅលើឆាណែលយូធូបផ្លូវការ Dit-Way របស់លោក។ គួរបញ្ជាក់ផងដែរថានៅក្នុង Ep1 នេះនៃអាល់ប៊ុមនេះមានទាំងអស់ចំនួន៨បទដែលរួមមានបទ Too late, Life Tale, Don’t just don’t, So what?, insomnia huh?, Bullet Proof, Emperor និង Mamacita។

សង្កេតឃើញថាបទចម្រៀង«Bullet Proof»របស់លោកនៅតែអាចរក្សាតំណែងអ្នកចូលទស្សនាច្រើនជាងគេបង្អស់នៅក្នុងចំណោមទាំង៨បទនេះដែលតាមពីក្រោយបទចម្រៀងតាមលំដាប់រៀងគ្នាដូចជា So What? និង Too Late។ ចាប់អារម្មណ៍ផងដែរថាបទចម្រៀង«Too Late» គឺជាបទចម្រៀងដែលត្រូវបានចេញផ្សាយក្រោយគេបង្អស់ និងជាប្រភេទបទមនោសញ្ចេតនាតែមួយគត់នៅក្នុងអាល់ប៊ុមនោះ។ ហើយអ្វីដែលកត់សម្គាល់ផងដែរនោះ បទចម្រៀងនេះក៏ចូលរួមផលិតឡើងដោយមិត្តសិល្បកររបស់លោកម្នាក់ឈ្មោះ Seyha Ha ផងដែរ ដែលធ្លាប់មានស្នាដៃតាក់តែងចម្រៀងពីមុនមក និងមានចំរៀងរបស់ខ្លួនលោកជាច្រើន។ តើទស្សនិកជនទាំងអស់គ្នាពេញចិត្តបទចម្រៀងមួយណាច្រើនជាងគេពីក្នុងអាល់ប៊ុម PS2 The Sky នេះ​​​ កុំភ្លេចធ្វើការខមមែនប្រាប់អេដមីនផងណា!