ស្ងាត់ៗអ្នកចម្រៀងរ៉េបឯករាជ្យ លោកជីដេវីត លេងទំលាក់មួយអាល់ប៊ុមថ្មីតែម្តង Surprise បណ្តាអ្នកគាំទ្ររបស់លោកកាលពីថ្មីៗនេះ ដោយតាមរយៈអាល់ប៊ុម Passion 3 ថ្មីស្រឡាងរបស់លោកគឺ Passion The Final Bloodshed! គួររំលឹកថា នៅមុនការចេញផ្សាយអាល់ប៊ុមនេះ លោកជីដេវីតធ្លាប់បានបង្ហាញអោយដឹងតាមរយៈរូបភាពផុសស័្ទរថា អាល់ប៊ុមនេះគឺជាបង្គំសម្រេចនៃ Milestones ទាំងបីនៃ Passion The Album របស់លោក ហើយលោកមានក្តីស្រម៉ៃថានឹងធ្វើអោយសម្រេចបាននូវរសជាតិថ្មីពីមួយអាល់ប៊ុមទៅកាន់មួយអាល់ប៊ុមទៀត ដើម្បីអោយទស្សនិកជនអាចក្រេបបាននូវសារ រឺអត្ថន័យរាក់ជ្រៅដែលបង្កប់ឡើងនៅក្នុងនោះ។​​​ ម្យ៉ាងវិញទៀតផងដែរ លោកក៏បានបន្ថែមថា លោកក៏មានទម្លាប់ចូលចិត្តទស្សន៍ទាយពីអនាគតជាមួយនឹងចម្រៀងរបស់លោក ហើយលោកបានបញ្ជាក់ថាគ្រប់យ៉ាងនឹងអស្ចារ្យបើសិនជាយើងហ៊ានកែប្រែពី ភាពមិនពិតទៅជាពិត។ 

គួរបញ្ជាក់ផងដែរថា អាល់ប៊ុម Passion The Final Bloodshed របស់លោកជីដេវីតនេះមានសរុបទាំងអស់ចំនួន៧បទ រួមមាន «Minset» «Jetski» «Ghost Writer» «Clean Sweep» «The Final Bloodshed» «Anonymous» និង«Faith Over Fear» និងត្រូវបានទម្លាក់ឡើងព្រមគ្នាទាំងនៅលើប្រព័ន្ធផ្សព្វផ្សាយសង្គមផ្សេងៗ ​​​និងកម្មវិធីចាក់ចម្រៀងនានាកាលពីថ្ងៃទី១៧ ខែសីហាកន្លងទៅនេះ។ មកទល់ពេលនេះ សង្កេតឃើញថា បទដែលទទួលបានចំនួនចូលទស្សនាច្រើនជាងគេគឺរួមមាន បទ«Mindset» និងបទ«Clean Sweep»។ ប៉ុន្តែសម្រាប់អេដមីន គឺពេញចិត្តបទ«Anonymous» ជាងគេ ពេញចិត្តទាំងសាច់ភ្លេង​​​ និងប៉ារ៉ូលចម្រៀងតែម្តង។ ចុះទស្សនិកជនវិញពេញចិត្តបទមួយណាខ្លាំងជាងគេក្នុងចំណោមបទទាំង៧នេះ?