បន្ទាប់ពីបានរយៈពេលមួយខែទីបំផុតបទចម្រៀងទី២ពីក្នុងអាល់ប៊ុមផាសិន2TheSkyរបស់លោកជីដេវីតបានធ្វើការចេញផ្សាយបន្តពីបទចម្រៀង«បងប្រាប់ថាកុំៗៗៗ»របស់លោកហើយកាលពីថ្ងៃទី២៩ ខែមករាកន្លងទៅនេះ។ ជាក់ស្តែងនៅមុនថ្ងៃចេញផ្សាយបទចម្រៀងថ្មីរបស់លោក«ជំហ៊ានជ័យ» រឺមានចំណងជើងជាភាសាអង់គ្លេសថា«LifeTale»ប៉ាប៉ាជីដេវីតក៏បានបង្កើតព្រឹត្តិការណ៍មួយចំនួនជាWarmWelcomingជាមួយនឹងម៉ាម៉ាទេពបូព្រឹក្សផងដែរនៅមុនពេលចេញផ្សាយបទចម្រៀងថ្មីរបស់ពួកគេ។ នៅក្នុងកម្មវិធី Boy or Girl Party ប៉ាប៉ាជីដេវីត និងម៉ាម៉ាទេពបូព្រឹក្សបានជួបជុំជាមួយគ្រួសារមិត្តសិល្បករ និងបណ្តាអ្នកគាំទ្ររបស់ពួកគេយ៉ាងកក់ក្តៅ បន្ទាប់មកអ្នកនាងទេពបូព្រឹក្សក៏បានចេញផ្សាយ Teaser បទចម្រៀងថ្មីរបស់ខ្លួននៅយប់ថ្ងៃស្អែក និងតាមពីក្រោយបង្អស់ដោយបទចម្រៀង«ជំហ៊ានជ័យ» របស់លោកជីដេវីតនៅយប់បន្ទាប់។ 

មិនមែនជារឿងចៃដន្យនោះទេនៃការទំលាក់បទចម្រៀងថ្មីពីក្នុងអាល់ប៊ុមផាសិន2របស់លោក ព្រោះលោកជីដេវីតបានបង្ហាញអោយដឹងថាការទំលាក់បទចម្រៀងនេះគឺដើម្បីនៅមុនថ្ងៃប្រគំតន្រ្តី PS2 xវ នៅថ្ងៃទី០៤ ខែកុម្ភៈ ដើម្បីជាការអបអរដល់កម្មវិធីប្រគំតន្រ្តីមួយនេះ និងសំរាប់លើកយកទៅសម្តែងនៅលើឆាកតន្រ្តីនោះផ្ទាល់។ យ៉ាងណាមិញផងដែរកត់សម្គាល់ឃើញថាបទ«ជំហ៊ានជ័យ» របស់លោកជីដេវីតនេះ ក្រោយការចេញផ្សាយរយៈពេល២ថ្ងៃរួចមក អាចដណ្តើមយកចំណាត់ថ្នាក់លេខ៣នៅលើតារាងយូធូបអ្នកស្តាប់ច្រើនជាងគេបង្អស់នៅក្នុងប្រទេសកម្ពុជាហើយ ដែលនាំមុខបទចម្រៀង«បងប្រាប់ថាកុំៗៗៗ»របស់លោកដែលធ្លាក់មកចំណាត់ថ្នាក់លេខ៤វិញ។ ចុះទស្សនិកជនទាំងអស់គ្នាពេញចិត្តចម្រៀងទាំងពីរនេះរបស់លោកជីដេវីតកំរិតណា? កុំភ្លេចធ្វើការខមមែនប្រាប់អេដមីនផងណា!