កាលពីថ្ងៃទី២០ ខែកក្កដាកន្លងទៅនេះ លោកជីដេវីតបានទំលាក់រូបភាពថ្មីគួរអោយចាប់អារម្មណ៍មួយនៅលើគណនីហ្វេសប៊ុកផ្លូវការរបស់លោក ដែលមានឈ្មោះថា Ngoun Chan Davith។ ទស្សនិកជនមួយចំនួនពិតជាមានការភ្ញាក់ផ្អើលមែនទែន បន្ទាប់ពីបានទើបតែយល់នូវអត្ថន័យពិតប្រាកដនៃរូបភាពមួយសន្លឹកនោះ។

ដោយជាការពិតទៅ លោកជីដេវីតបានបង្ហោះឡើងក្នុងន័យប្រៀបប្រដូចរូបភាពនោះទៅនឹងផុស្ទ័ររូបភាពតុក្កតានៃបទចម្រៀង«ចុម!អាអូនអត់ដេក» របស់លោក។ ដោយនៅក្នុងរូបភាពមួយនោះផងដែរ មានបង្ហាញឡើងនូវលោកជីដេវីតកំពុងអង្គុយជិះបញ្ជានៅលើរូបសំណាក់ដាយណូស័រមួយ កំពុងតែតាមពីក្រោយគ្នីគ្នារបស់លោកម្នាក់ទៀតដែលកំពុងធ្វើជាលួចរបស់រត់។ រូបភាពមួយសន្លឹកនេះក៏បានធ្វើអោយទស្សនិកជនជាច្រើនកំពុងយល់ឃើញថាហាក់ដូចជា​​​ “Real Version” នៃ​​​ផុសស្ទ័របទចម្រៀង«ចុម! អាអូនអត់ដេក» យ៉ាងដូច្នោះឯង។

យ៉ាងណាមិញផងដែរ នៅពីក្រោយរូបភាពមួយសន្លឹកនេះ ក៏មានន័យបង្កប់ផ្អែមល្ហែមមួយផងដែរ ព្រោះដោយសារថានៅខណៈនោះអត្ថន័យពិតប្រាកដគឺលោកជីដេវីតបាននាំកូនប្រុសរបស់លោកដែលមានឈ្មោះថា វរាប មកលេងកំសាន្តនៅសួនដាយណូស័រនោះទេ នេះបើយោងតាមការបង្ហោះរូបភាពផ្ទាល់នៅលើទំព័រហ្វេសប៊ុក G-Devith របស់លោក។ លោកជីដេវីតបានសរសេរឡើងនូវខេបសិនថា«Papa និង វរាប នៅសួន Dinosaur»។ 

ចំណែកនៅលើទំព័រហ្វេសប៊ុកផ្លូវការរបស់អ្នកនាងទេពបូព្រឹក្សក៏បានបង្ហោះឡើងនូវវិដេអូខ្លីមួយដែលមានលោកជីដេវីតកំពុងព វរាប នៅទីកន្លែងកម្សាន្ត។ ចុះទស្សនិកជនយល់ឃើញយ៉ាងណាដែរចំពោះ Lifestyle ថ្មីរបស់សិល្បករទាំងពីររបស់យើងនៅក្នុងការចាប់ផ្តើមក្រុមគ្រួសារតូចមួយនេះ?