មានការរំជួលចិត្តជាខ្លាំងងង! បន្ទាប់ពីស្ងាត់ៗឃើញលោកជីដេវីតទម្លាក់រូបភាព Poster បទចម្រៀងថ្មីរបស់លោកបែបកាសែតនៅលើហ្វេសប៊ុកយ៉ាងទាក់ទាញភ្នែកមែនទែន! បទចម្រៀងថ្មីរបស់លោកមួយបទនេះគឺមានចំណងជើងថា«មានការគាំងជាខ្លាំង» អេៗៗ… សុំទោសគឺមានចំណងជើងថា«គាំងចិត្ត» នោះទេ។ 

ទាក់ទងនឹងបទចម្រៀងនេះផងដែរ លោកជីដេវីតបានសរសេរឡើងថា«គាំងចិត្ត គឺជាចម្រៀងស្នេហាដែលពោរពេញទៅដោយពាក្យសន្យាថាស្រលាញ់បងណាស់ តែចុងក្រោយម៉ែអូននិងអូនផ្លាស់ទៅរកគេ ធ្វើអោយបង WAY មានការគាំងជាខ្លាំង។» យ៉ាងណាមិញនៅក្នុងថ្ងៃដដែលនោះផងដែរ លោកជីដេវីតក៏បានបង្ហោះនូវសមិទ្ធផលនៅក្នុងដើមឆ្នាំ២០២៤នេះផងដែរ ដែលជារថយន្តថ្មីស្រឡាងស៊េរីទំនើបមួយគ្រឿងម៉ាក Lamborghini Aventador ដែលលោកបានសំរេច​​​បំណងរួមគ្នាទិញវាឡើងជាមួយនឹងអ្នកនាងទេពបូព្រឹក្ស។ 

សង្កេតឃើញថាអ្នកដែលបានចូលរួមអបអរ ក៏មានសិល្បករពីររូបរបស់យើងផងដែរ គឺលោក SAMI មិត្តភក្តិស្និទ្ធស្នាលរបស់លោកជីដេវីត និងលោក 1NE ដែលជាតារារ៉េបមានគោលជំហរដូចគ្នាមួយរូបនឹងលោកជីដេវីត។​​​ ខណៈពេលក្នុងភាពរំជើបរំជួលចិត្តផ្ទួនៗនេះ លោកជីដេវីតក៏បានមានការគោរពមកតាមសន្យាក្នុងការ Surprise ទម្លាក់ MV បទថ្មីរបស់លោកនៅម៉ោង៧យប់នៅក្នុងថ្ងៃជាមួយគ្នានេះផងដែរ។ ដោយ MV បទថ្មីនេះគឺមានលក្ខណៈប្លែក ហាក់ដូចជាវិលទៅកាន់តន្រ្តីសម័យកាលបុរាណវិញ ដោយលាយឡំនឹងបទភ្លេងចង្វាក់រ៉េប។ យ៉ាងណាមិញបទចម្រៀងថ្មីមួយនេះ លោកជីដេវីតសន្យាថានឹងទម្លាក់ Full MV ជាផ្លូវការនៅក្នុងថ្ងៃទី២២​​​ ខែមករាខាងមុខនេះហើយ។ តោះ! កុំភ្លេចចាំស្តាប់ទាំងអស់គ្នា!