ទស្សនិកជនមានការភ្ញាក់ផ្អើលឡើងបន្ទាប់ពីការបង្ហាញខ្លួនរបស់លោកជីដេវីតនៅលើ Live កម្មវិធី Patron Ratyo កាលពីម្សិលមិញជាមួយនឹងលោក Athika និងវាគ្មិនមួយរូបទៀតគឺលោក Mengly Gaming។ នៅតាមរយៈការ Live មួយនេះផងដែរ លោក Athika បានសរសេរឡើងនូវខេបសិនខាងលើថា «Top កំភ្លាវប្រចាំប្រទេស» ដោយជារៀងរាល់សប្តាហ៍វាគ្មិននៃកម្មវិធីម្នាក់ៗ បូករួមទាំងអ្នកខលចូលកម្មវិធីសុទ្ធតែជជែកគ្នាឡើងដោយមិនមានការរៀបចំទុក ទើបម្ល៉ោះហើយលោក Athika អោយរហ័សនាមកម្មវិធីនេះថា កម្មវិធីភ្លាវ។
យ៉ាងណាមិញនៅក្នុងការ Live ថ្ងៃច័ន្ទសប្តាហ៍នេះ លោក Athika ក៏បានស្វាគមន៍លោកជីដេវីតមកកាន់សមាគមន៍ប៊ីចេងរបស់លោក ដែលធ្វើអោយការ Live ផ្ទុះឡើងដោយសំណើច និងភាពសប្បាយរីករាយបែបកំប្លែងភ្លាវៗទៅតាមខនសិបរបស់លោក។
នៅក្នុងការ Live នោះផងដែរ លោកជីដេវីតបាននិយាយទាក់ទងពី Project ការប្រគំតន្រ្តី Sting Musicverse របស់លោក ក៏ដូចជាដំណើរការងារផ្សេងៗទាក់ទងនឹងការរៀបចំការប្រគំតន្រ្តីនានាកន្លងទៅជាមួយនឹងក្រុមហ៊ុនភេសជ្ជៈ Sting។លោកជីដេវីតបានបង្ហើបអោយដឹងថា ការប្រគំតន្រ្តី Sting Musicverse នេះ គឺកាន់តែវិសេសជាងការប្រគំតន្រ្តីមុនៗ ដោយខាងក្រុមហ៊ុន Sting មានបំណងធ្វើយូរមកហើយ និងអាចជួយគាំទ្រដល់ Artist ក្នុងស្រុកបានជាច្រើននាក់ទៀតផង មិនត្រឹមតែជា BA លោក Tena រឺលោកជីដេវីតប៉ុណ្ណោះទេ។
ចំណែកបច្ចេកទេសនៃការរៀបចំវិញ នឹងអាចរឹតតែពិសេសជាងមុនទៀត។ គួរបញ្ជាក់ផងដែរថា នៅក្នុងការប្រគំតន្រ្តី Passion របស់លោកជីដេវីតកន្លងទៅ ឃើញមានការប្រើប្រាស់នូវបច្ចេកទេស Live Autotune មុនគេបំផុត តើនៅក្នុងប្រគំតន្រ្តីលើកនេះវិញនឹងមានបច្ចេកទេសអ្វីកាន់តែថ្មីប្លែកទៀតសំរាប់បណ្តាអ្នកគាំទ្រ?
