កាលពីថ្ងៃទី០២ ខែកញ្ញាកន្លងទៅនេះ លោកជីដេវីតនិងក្រុមគ្រួសារ Triple Party ទាំងអស់បានជួបជុំគ្នាយ៉ាងសប្បាយរីករាយ ដោយមានការប្រគំតន្រ្តីដ័គគ្រឹកគ្រេងពីលោកជីដេវីតរួមគ្នានឹងកញ្ញា Jannine Weigel ផងដែរ។ យ៉ាងណាមិញលោកជីដេវីតបានបង្ហាញខ្លួនជាមួយភាពជឿជាក់ និងស្នាមញញឹមរីករាយសបញ្ជាក់អោយអ្នកគាំទ្ររបស់លោកទទួលបានអារម្មណ៍ស្រស់ស្រាយ និងរីករាយជាមួយបរិយាកាសច្រៀងរាំតាមតន្រ្តីដូចគ្នា។ លោកជីដេវីតបានសម្តែងការប្រគំតន្រ្តីនៅលើបទចំរៀងជាច្រើនបទនៅក្នុងអាល់ប៊ុមផាសិនរបស់លោក ហើយនៅក្នុងនោះផងដែរលោកក៏បានពញ្ញាក់អារម្មណ៍បណ្តាអ្នកគាំទ្រដែលចូលរួមជាមួយភ្លេងបទចំរៀង Remix ភ្លាមៗនូវបទ How about now?ដែលធ្វើអោយផ្ទុះស្នូរស្រែកហ៊ោកញ្ជ្រៀវតែម្តងស្ទើរតែរង្គើរឆាក។

បរិយាកាសទាំងមូលពិតជា High មែនទែនសំរាប់មិត្តយុវវ័យទស្សនា ធ្វើអោយគ្រប់គ្នាលេងសប្បាយមួយអស់ដៃស្រែករាំច្រៀងតាមចង្វាក់ភ្លេងជាមួយនឹងលោកជីដេវីតទាំងអស់គ្នា។ ឃើញថាការប្រគំតន្រ្តីនៅក្នុងកម្មវិធី Triple Party Special Edition នេះពិតជាមានឈុតឆាកផ្តល់ភាពសប្បាយរីករាយខ្លាំងមែនទែនដែលលោកជីដេវីតនិងក្រុមការងារបានរៀបចំយ៉ាងយកចិត្តទុកដាក់ចំពោះអ្នកគាំទ្រ។