ផ្ទុះបទថ្មីពីលោកជីដេវីតម្តងទៀតនៅលើបណ្តាញសង្គម Tik Tok បន្ទាប់ពីលោកទើបតែបានបញ្ចេញបទថ្មីចំនួនពីរបទតាមរយៈកាលប្រគំតន្រ្តី Drift Phunk របស់លោកកាលពីថ្ងៃទី០៨ ខែមិថុនាកន្លងទៅនេះ។ ដោយកាលពីម្សិលមិញនេះ​​​ បទថ្មីរបស់លោក«We Made It» បានធ្វើអោយកក្រើកបណ្តាញសង្គមជាខ្លាំងជាមួយនឹង DJ Soda។ ខណៈនៅថ្ងៃនេះផងដែរ បទថ្មីមួយបទទៀតពីលោកជីដេវីត ដែលមានចំណងជើងថា«វាយោ» ក៏បានធ្វើផ្ទុះ និងទាក់ទាញចំណាប់អារម្មណ៍មហាជននៅលើបណ្តាញសង្គម Tik Tok និង Youtube វិញម្តង។ 

ដោយកាលពីថ្ងៃការប្រគំតន្រ្តីនេះ លោកជីដេវីតបានចាក់ និង Perform បទនេះឡើងនៅលើវេទិកា ដែលមានភាពពិរោះប្លែកទាក់ទាញយ៉ាងខ្លាំង​​​ ប៉ុន្តែគួរអោយសោកស្តាយ បន្ទាប់ពីសម្តែងចប់លោកក៏បានប្រកាសឡើងថា បទថ្មីនេះនឹងមិនចេញនោះឡើយ ប៉ុន្តែនឹងចាក់ឡើងតែពេលខនសឺតប៉ុណ្ណោះ។ ដំណឹងមួយនេះ បានធ្វើអោយមហាជនមានការសោកស្តាយខ្លាំងណាស់ ព្រោះបទនេះគឺជាបទដ៏ពិរោះមួយពីលោកជីដេវីត តែបែរជាមិនត្រូវបានចេញជាផ្លូវការនៅលើយូធូបទៅវិញ ទើបបន្ទាប់មកក៏មានការចែករំលែកតៗគ្នាជាច្រើនទាំងនៅលើបណ្តាញសង្គម Tik Tok និងនៅលើយូធូប។ យ៉ាងណាមិញផងដែរ បទ«វាយោ»​​​ នេះក៏មានឈ្មោះហៅក្រៅមួយទៀតថា«ដង្ខៅគោ» ផងដែរ។ តើទស្សនិកជនពេញចិត្តបទថ្មីនេះកម្រិតណា?តើជាការពិតដែររឺទេ ថាបទនេះលោកជីដេវីតនឹងមិនបញ្ចេញឡើងជាផ្លូវការ?