សួស្តី អ្នកទាំងអស់គ្នា! ជួបគ្នាម្តងទៀតហើយ ហើយថ្ងៃនេះ Admin នឹងធ្វើ Review និង Reaction ទៅលើ បទចំរៀងថ្មីរបស់លោក ជី ដេវីដ ដែលកំពុងតែផ្ទុះល្បីខ្លាំងទាំងនៅលើ ហ្វេសបុ៊ក និង យូធូប ចាប់តាំងពីលោកបានចេញជាផ្លូវការអស់រយៈពេលពីរថ្ងៃមកហើយ។ ដូច្នេះ ថាតើបទចំរៀងថ្មីនេះ មានអត្ថន័យ និងអត្ថរសបែបណា។ តោះ! ស្តាប់ទាំងអស់គ្នា!
ក្បត់សន្យា ឬជាភាសាអង់គ្លេសថា “Broken Promises” គឺជាចង្វាក់បែបរ៉េបថ្មី លាយឡំជាមួយនឹងបទភ្លេងថ្មីបែបមនោសញ្ចេតនា ដែលរៀបរាប់ពីការកើតទុក្ខ និងឈឺផ្សារបស់បុរសម្នាក់ដែលបានក្បត់សន្យា និងគូស្នេហ៍របស់គាត់ ហើយបើទោះបីជាដឹងថា គាត់ក្បត់នាងក៏ដោយ ក៏នាងនៅតែចង់ឲ្យគាត់វិលត្រឡប់ទៅសាងស្នេហ៍ជាមួយគា្នម្តងទៀត។ ស្តាប់មើលទៅពិតជាកំសត់ណាស់ សូម្បីតែ Admin ក៏មានអារម្មណ៍ស្រងេះស្រងោច លន្លង់លន្លោច និងសោកាតាមបទចំរៀងថ្មីនេះដែរ។ មិនតែប់ុណ្ណោះ អ្វីដែលថ្មីហើយកាន់តែពិសេសនោះគឺ MV របស់បទចំរៀងតែម្តង។ វាពិតជាឡូយកប់តែម្តង គឺទាំងការតុបតែងខ្លួនរបស់ លោក ដេវីដ និងកញ្ញា ទេព បូព្រឹក្ស ទេសភាព និងបរិយាកាស ព្រមទាំងចង្វាក់ភ្លេងស្តាប់មើលទៅពិតជាទាក់ទាញមែនទែន។ Admin មើលទៅមុនដំបូងស្មានតែបទបរទេស ពីព្រោះវាមើលទៅពិតជាប្លែក និងហាក់ដូចជាទៅពិភពមួយផ្សេងទៀតអញ្ចឹង។ ដូច្នេះបើអ្នកទាំងអស់គ្នាមិនទាន់បានទស្សនា អាចធ្វើការទស្សនានៅលើ Channel ផ្លូវការរបស់គាត់បាន៕