កាលពីថ្ងៃទី០៩ ខែកុម្ភៈកន្លងទៅនេះ លោកជីដេវីតបានបញ្ចេញបទចម្រៀងថ្មីពីក្នុងអាល់ប៊ុមផាសិន២ The Sky ដែលមានចំណងជើងថា«ចក្រពត្តិ» និងទទួលបានចំណាត់ថ្នាក់ Trending ទី៨ហើយនៅលើតារាងយូធូបកម្ពុជាត្រឹមរយៈពេលកន្លះថ្ងៃប៉ុណ្ណោះ។ នេះគឺជាបទលើកទឹកចិត្តមួយសំរាប់ខ្លួនឯងដែលលោកជីដេវីតបានបញ្ចេញឡើងនៅក្នុងពេលបើកប្រកាសនៃការវិលត្រលប់ទៅក្នុងវិថីចំរៀងរបស់លោកសាជាថ្មី។ គួរបញ្ជាក់ផងដែរបទចម្រៀងនេះត្រូវបានដឹកនាំសម្តែងផ្ទាល់ដោយលោក Athika ដែលជា Manager របស់លោកជីដេវីតផ្ទាល់ផងដែរ និងត្រូវបានចេញផ្សាយជាផ្លូវការនៅម៉ោង៧ល្ងាច ដោយលោកជីដេវីតបានទំលាក់ Link នៅតាមបណ្តាកម្មវិធីបណ្តាញសង្គមនានាដើម្បីអោយទ័ពអ្នកគាំទ្របោះពួយចូលទៅ Stream មើលទាន់ទាំងអស់គ្នា។ 

យ៉ាងណាមិញបទ«ចក្រពត្តិ»នេះគឺជាបទមួយដែលមានរសជាតិថ្មីមួយទៀត​​​ មិនសាំ និងខុសប្លែកពីបទមុនៗរបស់លោកទៀតហើយ ទាំងខនសិប ការថត និងរសជាតិបទចម្រៀងផ្ទាល់ គឺច្នៃប្រឌិតដោយយកពាក្យស្តេច«ចក្រពត្តិ»នៃប្រទេសជប៉ុនឆ្លុះបញ្ចាំងមកលើជីវិតនៅដើរលើវិថីណាមួយ ដោយប្រៀបធៀបខ្លួនឯងដូចជាអ្នកចម្បាំងពុះពារនៅក្នុងផ្លូវដើរជីវិតយ៉ាងនោះឯង ដែលត្រូវតែហ៊ានតតាំង និងចេះព្រលែងទាំងភាពល្អ និងភាពអាក្រក់របស់ខ្លួនប្រើប្រាស់អោយត្រូវនឹងកាលៈទេសៈ។ បន្ទាប់ពីលោកជីដេវីតបានធ្វើការប្រគំតន្រ្តីនិងបានសម្តែងបទថ្មីៗមួយចំនួនរបស់លោករួចមក ក៏មានអ្នកគាំទ្រជាច្រើនញាប់ញ័រចង់អោយលោកជីដេវីតបញ្ចេញបទថ្មីៗរបស់លោកឆាប់ៗ ជាពិសេសបទ Bullet Proof។ ដូចនេះមិនដឹងថានាពេលបន្ទាប់ទៀតនេះ លោកជីដេវីតនឹងបញ្ចេញបទ Bullet Proof ដែររឺទេ មានត្រូវរង់ចាំទស្សនាទាំងអស់គ្នា!