​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​រាប់ចាប់តាំងពីចូលសិល្បៈអស់រយៈពេលជាង១០ឆ្នាំកន្លងមកនេះ លោកជីដេវីតបានបន្សល់ទុកស្នាដៃសិល្បៈជាច្រើនរួមមានដូចជាការងារជាទូតសុឆន្ទៈ ការផលិតអាល់ប៊ុមចម្រៀង និងការចូលរួមការងារស្ម័គ្រចិត្តជាដើម។ ងាកក្រលេកមើលទៅជ្រុងការងារទូតសុឆន្ទៈរបស់លោកវិញ ឃើញថាបើផ្អែកទៅលើប្រជាប្រិយភាព ទេពកោសល្យ និងចរិតនិស្ស័យរបស់លោកផ្ទាល់ បានទាញយកបណ្តាក្រុមហ៊ុនធំៗមួយចំនួននៅក្នុងប្រភេទនៃបច្ចេកវិទ្យាគ្រឿងអេឡិចត្រូនិច ក៏ដូចជាភេសជ្ជៈក្លៀវក្លាជាដើមសំរេចជ្រើសរើសរូបលោកជាតំណាង។

ចាប់តាំងពីកំឡុងឆ្នាំ២០១៧មកលោកជីដេវីតបានសហការជាមួយក្រុមហ៊ុនភេសជ្ជៈប៉ូវកំលាំងរបស់កូរ៉េមួយដែលមានឈ្មោះថាG Park Engergy Drinkដែលកាលណោះលោកជីដេវីតបានចូលរួមការប្រគំតន្រ្តីជាច្រើនរបស់ក្រុមហ៊ុនភេសជ្ជៈ GParkផងដែរនិងបានបញ្ចប់កុងត្រាទៅវិញនៅក្នុងឆ្នាំ២០១៨។ លុះមកដល់ឆ្នាំ២០២០ លោកក៏បានចាប់ផ្តើមធ្វើជាទូតសុឆន្ទៈអោយក្រុមហ៊ុនទូរស័ព្ទដៃ realmeប្រចាំប្រទេសកម្ពុជា។ ​​​បន្ទាប់មកលោកក៏បានធ្វើទូតសុឆន្ទៈតំណាងអោយក្រុមហ៊ុនភេសជ្ជៈ Sting និងនាឡិកាដៃ Varman ដែលមានរយៈពេលបីឆ្នាំមកហើយ ហើយក៏បានបើកក្រុមហ៊ុនលក់សំលៀកបំពាក់អនឡាញផ្ទាល់ខ្លួនប្រភេទអាវHoodie Atomax ផងដែរ។ ក្រៅពីនេះផងដែរលោកជីដេវីតក៏បានក្លាយជាទូតសុឆន្ទៈនៃក្រុមហ៊ុនស្រាបៀ Dragon Beer ក៏ដូចគ្នាផងដែរក៏មានការងារយ៉ាងសកម្មជាមួយនឹងក្រុមហ៊ុន Smart។ ពេលនេះលោកជីដេវីត និងលោកវណ្ណដាកំពុងក្លាយជាទីសំគាល់នៃការប្រយុទ្ធគ្នាមួយរវាងភេសជ្ជកូកាកូឡា និងភេសជ្ជៈSting ទូរស័ព្ទដៃVivo និងrealme នាឡិកាដៃZinvo និងVarman ស្រាបៀHanuman និងDragon ហើយក្រុមហ៊ុនCellcardនិងSmart។ សង្កេតឃើញថាជំហានរបស់ពួកគេទាំងពីរមានការដើរទន្ទឹមគ្នាជានិច្ច តើនាពេលអនាគតលោកជីដេវីតនឹងទទួលបានការងារទូតសុឆន្ទៈនៃក្រុមហ៊ុនប្រភេទណាទៀតអោយត្រូវគ្នានឹងលោកវណ្ណដា?

ដោយសារតែលោកជីដេវីតដើរដោយខ្លួនឯងផ្ទាល់នៅលើវិថីសិល្បៈ មិនថាជាមុខរបរផ្ទាល់ខ្លួនដោយលោកបានជ្រោមជ្រែងបង្កើតហាងលក់សំលៀកបំពាក់ខ្លួនឯងថែមទៀត ដូច្នេះការទទួលយកការងារជាទូតសុឆន្ទៈនៃក្រុមហ៊ុនសំលៀកបំពាក់ដទៃទៀតទើបជាប្រការដែលចម្លែកចិត្តបន្តិច ដួច្នេះតើអាចនិយាយបានរឺនៅថាហាងសំលៀកបំពាក់ Ten11តំណាងដោយលោកវណ្ណដា និងហាងAtomax របស់លោកជីដេវីតកំពុងតែប្រជែងគ្នា?