ត្រឹមរយៈពេល១សប្តាហ៍ប៉ុណ្ណោះ បន្តោងខ្សែកអក្សរជីរបស់លោកជីវិតដែលលោកប្រកាសតាមរកកាលពីថ្ងៃមុននេះ ពេលនេះបានត្រលប់មកក្នុងដៃលោកវិញហើយ។ កាលពីថ្ងៃទី០៥ ខែវិច្ឆិកាកន្លងទៅនេះលោក ជីដេវីត បានចែករំលែករូបភាពរបស់លោកជាមួយបុរសរើសបានបន្តោងខ្សែករបស់លោកអមជាមួយនឹងខេបសិនពោរពេញដោយអារម្មណ៍ដឹងគុណ។ លោកជីដេវីតបានរៀបរាប់ឡើងថា The ជី is Back- ខ្ញុំតែងតែជឿជាក់លើទង្វើល្អថ្ងៃនេះប្អូនប្រុសជាអ្នករើសបាន ជី គាត់បានប្រគល់អោយខ្ញុំវិញ ជាទឹកចិត្តល្អ ធនធានល្អ ដើរមួយជុំផែនដីទើបបានជួបបងប្អូនអាចហៅឈ្មោះគាត់បានគាត់ឈ្មោះ រិទ្ធ ចិត្តល្អ។ 

ទាក់ទងនឹងអ្នករើសបន្តោងខ្សែករបស់លោកដែលមានឈ្មោះថា រិទ្ធ នេះ​​​លោក ជីដេវីត បានធ្លាប់ Live ប្រាប់ដំណើរដើមទងនៅក្នុងគណនី Instagram របស់លោកខ្លះៗថា លោករិទ្ធនេះធ្វើការឡើងចុះពីឧត្តរមានជ័យ និងភ្នំពេញហើយភរិយារបស់លោកជាអ្នកទាក់ទងមកកាន់ផេករបស់លោក ជីដេវីត ម្ល៉ោះហើយលោកជីដេវីតក៏មានគំរោងណាត់ជួបជាមួយលោកតែម្តងដើម្បីសម្តែងការអរគុណនូវទឹកចិត្តថ្លៃថ្លារបស់គូស្វាមីទាំងពីរ។ លឺមកល្ហៀងៗឡើងថាខ្សែកបន្តោងអក្សរជីដាំពេជ្រនេះមានតំលៃសរុបរហូតទៅដល់១៩៩០០ដុល្លាឯណោះ។ ចូលរួមត្រេកអរដល់លោកជីដេវីតផងដែលលោកអាចស្វែងរកបន្តោងខ្សែកសំណព្វរបស់លោកមកវិញហើយអេដមីនក៏សូមចូលរួមគាំទ្រពេញទំហឹងនូវការសាបព្រួសអំពើល្អនិងការជឿជាក់គ្នាទៅវិញទៅមក។