លោកជីដេវីតបានធ្វើការចែករំលែក Concept 3D Concert នៃការប្រគំតន្រ្តី Passion TheAlbum Concertរបស់លោកនៅលើបណ្តាញសង្គមហ្វេសប៊ុកជាមួយនឹងរូបភាពឆាកតន្រ្តីដ៏អស្ចារ្យមានពណ៌ក្រហមភ្លើងភ្លឺ និងរូបភាព3Dព្រោងព្រាត ជាមួយនឹងផ្ទាំងLED រំលេចតួអក្សរSting និងភ្លើង3Dបំផ្លុងឡើងយ៉ាងកក្រើកឆាក។ ជាក់ស្តែង​​​ការបង្ហោះផ្សាយរបស់លោកគឺនៅក្នុងថ្ងៃពុធ ទី៥ ខែតុលា​​ ដែល​ចំថ្ងៃខួបកំណើតរបស់លោកតែម្តង ដោយគួរបញ្ជាក់ផងដែរក្នុងនោះក៏មានមិត្តសិល្បករជាច្រើនរូបបានធ្វើការបង្ហោះជូនពរលោកនៅក្នុងថ្ងៃកំណើតផងដែរនៅលើបណ្តាញសង្គមInstagram។ ងាកត្រលប់មកមើលការប្រគំតន្រ្តីនេះវិញឃើញថា នឹងធ្វើឡើងនៅថ្ងៃទី២៩ ខែតុលាខាងមុខនេះ នៅក្នុងសាល The Elysee Kohpich។ សំរាប់តម្លៃសំបុត្រចូលរួមទស្សនាវិញអាចធ្វើការបញ្ជាទិញតាមរយៈកម្មវិធី​​​Live by Wonderpass ជាមួយនឹងតំលៃសំបុត្រធម្មតា​​​៧ដុល្លាទទួលបាន GlowstickនិងNormal Ticket។  តំលៃសំបុត្រ VIP ១៣ដុល្លាទទួលបានGlowstick VIP Ticket LED Glass និងតំលៃសំបុត្រVVIP ២០ដុល្លាទទួលបានFan base Card, LED Glass, Glowstick, VVIP Ticket និងGoblin Treasure box។ គួរបញ្ជាក់ផងដែរថាការប្រគំតន្រ្តីនេះនាំមកជូនឡើងដោយ Sting Music Verse។ ក្រុមហ៊ុន Sting ក៏បានធ្វើការបង្ហើបប្រាប់ថានឹងមានភ្ញៀវកិត្តិយសជាច្រើននឹងចូលរួមសម្តែងនៅក្នុង Passion The Album Concert នេះក្រៅពី Brand Ambassador របស់ពួកគេដែលជាលោកជីដេវីត ម្ល៉ោះហើយទើបនៅថ្ងៃបន្ទាប់លោកជីដេវីតក៏ចាប់ផ្តើមធ្វើការបង្ហាញមុខភ្ញៀវកិត្តិយសពិសេសចូលរួមក្នុងការប្រគំតន្រ្តី Passion The Album នេះ ដោយអ្នកដំបូងនោះគឺជាកញ្ញា Jannine Weigel សិល្បកររបស់ប្រទេសថៃ។ ថ្មីៗនេះផងដែរលោកជីដេវីតក៏បង្ហាញមុខភ្ញៀវកិត្តិយសម្នាក់ទៀតគឺជាលោកJarvis។