ផ្ទុះការចាប់អារម្មណ៍បន្ទាប់ពីប៉ាប៉ាដាយណូស័រប្តូរអាជីពមកធាក់ស៊ីក្លូ! ប៉ាប៉ា ដាយណូស័រម្នាក់នេះគឺជាប៉ាប៉ារបស់ Albert ដែលជាលោកជីដេវីតនោះឯង បន្ទាប់ពីលោកត្រូវបានអ្នកលេងនៅលើបណ្តាញសង្គម Tik Tok ប្រមាញ់បានវិដេអូចាស់ៗរបស់លោក រួមជាមួយនឹងការធាក់ស៊ីក្លូតាមផ្លូវសាធារណៈទៀតនោះ និងបង្ហោះឡើងនៅលើបណ្តាញសង្គមនេះផ្ទាល់។
វិដេអូនេះបានធ្វើអោយមនុស្សជាច្រើនមានការយល់ច្រលំថាលោកជីដេវីតទើបតែបានថតថ្មីៗ និងមានការចាប់អារម្មណ៍ជាខ្លាំងជាមួយនឹងទិដ្ឋភាពដ៏កំរមួយនេះ។ យ៉ាងណាមិញ មិនថាវិដេអូនេះជាវិដេអូចាស់ រឺថ្មីក្តី ក៏នៅតែបានធ្វើអោយមនុស្សជាច្រើនចូលចិត្ត និងអស់សំណើចជាមួយនឹងភាពកំប្លែងលេងរបស់លោករួមជាមួយនឹងអ្នកជិះស៊ីក្លូម្នាក់ដែលលោកបានដឹក។
ត្រលប់មកពេលបច្ចុប្បន្ននេះ ថ្វីត្បិតតែលោកជីដេវីតមមាញឹកក្នុងការមើលថែគ្រួសារតូចដ៏កក់ក្តៅរបស់លោក ប៉ុន្តែលោកតែបន្តសកម្មភាពការងារជាច្រើនក្នុងនាមជា BA របស់ស្រាបៀ Dragon និងបានបញ្ចេញបទចំរៀងជាបន្តបន្ទាប់។
កាលពីពេលថ្មីៗនេះ លោកទើបតែបានបញ្ចេញបទ«HAHA» និងត្រៀមខ្លួនចូលរួមសម្តែងការប្រគំតន្រ្តីឆ្លងឆ្នាំរបស់ស្រាបៀ Dragon នេះទេ ដែលនឹងធ្វើឡើងនៅឆ្នេរទីលានតេជោ ខេត្តព្រះសីហនុ ថ្ងៃទី៣០ ខែធ្នូខាងមុខនេះ។ មិនអស់ត្រឹមនេះនោះទេ! លោកក៏មានការប្រគំតន្រ្តីស្រាបៀវឌ្ឍនៈផងដែរ ដែលនឹងធ្វើឡើងនៅខេត្តសៀមរាមថ្ងៃទី៣១ ខែធ្នូ និងធ្វើឡើងនៅភ្នំពេញកំបូល ថ្ងៃទី០១ ខែមករា ឆ្នាំ២០២៤! តោះទស្សនិកជនកុំភ្លេចចូលរួមទស្សនាទាំងអស់គ្នា!
