កាលពីថ្ងៃទី១២ ខែកក្កដាកន្លងទៅនេះ យោងទៅតាមទំព័រហ្វេសប៊ុក DitWay Forever ដែលជាហ្វេនក្លឹបគាំទ្រដល់លោកជីដេវីតបានអោយដឹងថា លោកជីវិតបានទៅបំពេញវិជ្ជានៅឯសាលាពុទ្ធិកវិទ្យាល័យព្រះសុរាម្រឹតតាមរយៈការចែករំលែករូបភាព និងវិដេអូមួយចំនួនរបស់ពួកគេ។
គួរបញ្ជាក់ផងដែរ សាលាពុទ្ធិកវិទ្យាល័យព្រះសុរាម្រឹតគឺសាលាសហការជាមួយសមាគមទ្រទ្រង់បាលី ដែលមានបណ្តុះបណ្តាលលើជំនាញដូចជាវេយ្យាករណ៍ តែងបាលី ប្រែបាលី តែងគាថាបាលី និងភាសាសំស្រ្កឹត។ DitWay Forever បានសរសេររៀបរាប់ពីលោកជីដេវីតឡើងថា «First day at school គួរអោយស្រលាញ់ណាស់ រវល់ប៉ុណ្ណឹងហើយនៅឆ្លៀតមកបំពេញវិជ្ជាបានទៀត Respect»។
ខណៈបន្ទាប់មកទំព័រហ្វេសប៊ុកទីចាត់ការកិច្ចការបាលី នៃពុទ្ធិកវិទ្យាល័យព្រះសុរាម្រឹតបានធ្វើការចែករំលែកការបង្ហោះមួយនេះរបស់ពួកគេ ដោយបានលើកឡើងថា«ជាគម្រូល្អដល់យុវជនពិតមែន»។ ក្នុងថ្ងៃជាមួយគ្នានេះផងដែរ DitWay Forever ក៏បានធ្វើការចែករំលែកវិដេអូ ដែលមានលោកជីដេវីតទទួលបានការគាំទ្រ និងសុំថតពីក្រុមលោកបងដែលជាព្រះសង្ឃរួមថ្នាក់រៀនជាមួយនឹងលោក។
មិនតែប៉ុណ្ណោះក្រុមអ្នកគាំទ្រលោកជីដេវីតនៅលើទំព័រហ្វេសប៊ុកនេះផងដែរ ក៏បានបង្ហាញចំណាប់អារម្មណ៍របស់ពួកគេដោយភ្ជាប់ជាមួយនឹងរូបភាពលោកជីដេវីត និងប្អូនស្រីរបស់លោកឡើងថា«អ្នកណាមិនដឹងថា G-Devith ធ្លាប់បានបោះបង់ការសិក្សាដើម្បីមកទីក្រុងតាមក្តីស្រម៉ៃ និងរកថវិកាដើម្បីអោយប្អូនបានបន្តការសិក្សា ឥលូវដល់ពេលបងប្រុសមកបន្តការសិក្សាវិញម្តង ពិតជាបងប្រុសដ៏ល្អម្នាក់មែន សូមសរសើរដោយស្មោះ»។ ចុះទស្សនិកជនយល់ឃើញយ៉ាងណាដែរ?