ខណៈថ្ងៃស្អែកគឺជាថ្ងៃរៀបចំបិទនៃកម្មវិធីស៊ីហ្គេម លោកជីដេវីត និងអ្នកនាងទេពបូព្រឹក្សពេលនេះកំពុងស្ថិតនៅទឹកដីប្រទេសក្រិចឯណក៎! យោងទៅតាមការចែករំលែកផ្ទាល់របស់លោកជីដេវីត និងអ្នកនាងទេពបូព្រឹក្សទាំងនៅលើហ្វេសប៊ុកផង និង Instagram ផង បានបង្ហាញអោយឃើញថាពេលនេះពួកគេទាំងពីរនាក់កំពុងដើរលេងយ៉ាងរំភើយនៅឯទីក្រុងអាតែន និងទីក្រុង Santoriniនៃប្រទេសក្រិចឯណោះកាលពីថ្ងៃ១៥ ខែឧសភាម្សិលមិញនេះ បន្ទាប់ពីធ្វើដំណើរចាកចេញពីទឹកដីទីក្រុងប៉ារីស ប្រទេសបារាំងរួចមក។ 

ចំនែកយោងទៅតាមការចែករំលែករបស់លោក Alex Conan Real វិញ ដែលជាអ្នកធ្វើដំណើរកម្សាន្តរួមគ្នា កាលពីពេលថ្មីៗនេះ លោកក៏បានបង្ហោះឡើងនូវវិដេអូមួយចំនួនហាក់ដូចជា Paparazzi ទី២ ដោយបានCaptureយកពីសកម្មភាពរបស់គូស្នេហ៍កំពូលតារាចម្រៀងវ័យក្មេងមួយគូនោះយ៉ាងល្អូកល្អឺនតែម្តងដើម្បីចែករំលែកទៅកាន់បណ្តាអ្នកគាំទ្ររបស់ពួកគេដែលរង់ចាំមើលខ្លាំងបំផុត។

នៅក្នុងវិដេអូចែករំលែកទាំងនោះ ក៏មានបង្ហាញពីសកម្មភាពរបស់លោកជីដេវីត និងអ្នកទេពបូព្រឹក្សវិដេអូខលទៅកាន់កូនប្រុសរបស់ពួកគេ Albert ដែលទើបតែសំរាលបាន៣ខែ ការស្រស់ស្រូបអាហារជាមួយគ្នា ការដើរលេងនៅតាមសង្កាត់ Plaka នៃទីក្រុងអាតែន និងការដើរ Shopping ចូលហាងទំនើបៗដូចជាហាងវ៉ែនតា Dior ជាដើម ដោយលោក Alex Conan Real ក៏បានចំអែចំអន់គូស្នេហ៍ពួកគេទាំងពីរនេះមិនសំចៃមាត់ជាហូរហែ ធ្វើអោយបណ្តាអ្នកគាំទ្រក៏មានភាពសប្បាយរីករាយទៅតាមនោះ។ 

ជាពិសេសនឹកឃើញឡើងនូវពាក្យចំអន់របស់លោក Alex Conan Real ថាកំពូលតារាចម្រៀងប្រចាំប្រទេស លោកជីដេវីតកំពុងតែងោចៗទារម៉ាក់បូព្រឹក្សទិញវែនតា ខណៈដែលអ្នកនាងទេពបូព្រឹក្សក៏បាននិយាយលួងលោកជីដេវីតវិញថាអាចរកទិញបាននៅបារាំងវិញតើ។ តើទស្សនិកជនមានចំណាប់អារម្មណ៍បែបណាខ្លះចំពោះដំណើរកម្សន្តប៉ែបអឺរ៉ុបមួយនេះរបស់ពួកគេ?