កាលពីពេលថ្មីៗនេះ លោកជីដេវីតទើបតែបានទំលាយប្រាប់ពីមូលហេតុដែលលោកមិនអាចទៅចូលរួមសម្តែងនៅក្នុងព្រឹត្តិការណ៍បិទកីឡាស៊ីហ្គេមនៅកម្ពុជាដែលនឹងធ្វើឡើងនៅថ្ងៃទី១៧ ខែឧសភាខាងមុខនេះ។ ដោយតាមរយៈការចែករំលែករូបភាពមួយសន្លឹកបង្ហាញពីការចេញដំណើរកំសាន្តរួមគ្នាជាមួយនឹងអ្នកនាងទេពបូព្រឹក្សានៅលើយន្តហោះអមនឹងខេបសិនថា«Europe Trip Let’s gooo Tep Boprek» នៅលើទំព័រហ្វេសប៊ុកផ្លូវការរបស់លោកកាលពីថ្ងៃពុធទី១០ ខែឧសភានេះ។ ចំណែកនៅខាងក្រោមរូបភាពនោះ លោកក៏បានបញ្ជាក់ក្នុងខមមែនថា«សុំអភ័យទោស ដែលខ្ញុំមិនអាចបំពេញបំណងបងប្អូន ខ្ញុំនឹងខំប្រឹងបន្ថែម ឳកាសនៅមានច្រើនទៀត»។ រីឯអ្នកនាងទេពបូព្រឹក្សវិញក៏បានបញ្ជាក់ដូចគ្នាផងដែរតាមរយៈការបង្ហោះរូបភាពបង្ហាញពីការចេញដំណើររបស់ពួកគេ និងលាទៅកាន់កូនប្រុសដោយសរសេរឡើងថា«គេងកូនគេង Mama Daddy សុំច្បាប់មេតូចដើរលេងហើយណា See you next month» ដែលនេះបង្ហាញអោយឃើញថាលោកជីដេវីតនឹងមិនអាចមានវត្តមាននៅក្នុងកម្មវិធីបិទស៊ីហ្គេមបានទេ។ ទន្ទឹមនឹងដំណើរកម្សាន្តទេសចរណ៍អឺរ៉ុបនេះបន្តិច គួររំលឹកផងដែរថា ការពិតទៅអ្នកនាងទេពបូព្រឹក្ស និងលោកជីដេវីតបានធ្វើដំណើរមកនេះ ក៏ព្រោះតែជាការជូនដំណើរលោក Alex Conan Real ដែលមកលេងកម្ពុជាត្រលប់ទៅប្រទេសបារាំងរបស់លោកវិញនោះទេ ជាមួយនឹងគ្នាផងដែរ លោកAlex Conan Realក៏បាននាំអ្នកនាងទេពបូព្រឹក្ស និងលោកជីដេវីតធ្វើដំណើរទស្សនកិច្ចយ៉ាងច្រើនដូចជាទៅ Shoppingនៅហាង LVនិងក្នុងដំណើរទស្សនកិច្ចក៏បានជួបជាមួយនឹងពិធីករអាមេរិចដ៏ល្បីគឺលោក Steve Harvey ផងដែរ ដែលមានចំនួន Followersរហូតដល់៣៥លាននាក់នៅលើហ្វេសប៊ុក។ តើទស្សនិកជនមានចំណាប់អារម្មណ៍យ៉ាងណាដែរចំពោះដំណើរកម្សាន្តលើកនេះរបស់អ្នកទាំងពីរ?