កាលពីថ្ងៃទី២០ ខែមេសាកន្លងទៅនេះ មហាជនបានផ្ទុះឡើងការជជែកវែកញែកជាច្រើនទៅលើបទចម្រៀងមួយបទរបស់លោកជីដេវីតមានចំណងជើងថា«ចុម!អាអូនអត់ដេក» ដែលត្រូវបានលុបចេញពីលើឆាណែលយូធូបផ្លូវការរបស់លោកជីដេវីត។ កត់សម្គាល់ឃើញផងដែរថា ក្នុងនោះក៏មានដូចជាលោកម៉ៃសុគន្ធដែលមានរហ័សនាមថាមហាទើសក៏បានបញ្ចេញប្រតិកម្មជុំវិញនឹងបញ្ហានេះផងដែរ ដោយលោកបានបង្ហោះនូវវិដេអូដែលធ្វើការស្វែងរកបទចម្រៀងរបស់លោកជីដេវីតមិនបាននៅលើយូធូប រួមជាមួយនឹងខេបសិនថា«ឳ បងអ្ហើយ ជាកំហុសអ្នកណា ម៉េចបាត់បទអាអូនអត់ដេកចឹង Teamសហគមន៍ កូពី លទ្ធផលទិញភ្លេងយូធូប»។ រីឯផេកTrollដ៏ល្បី«អាក្លូ និងអាកច់» វិញដែលតែងតែ Trollបុគ្គលល្បីៗក៏បានបញ្ចេញប្រតិកម្មផងដែរ ដោយធ្វើការ Screenshot បទលោកជីដេវីតជាប់ Copy Right Claim រួមជាមួយនឹងខេនសិនដុតឡើងថា«ចុមអាអូន ទិញភ្លេង»។ ក្រៅពីនេះក៏មានបណ្តាសារព័ត៌មាននានាដូចជា Popular Magazine, AMS Infotainment,Sabay News Entertainment និង Khmer Pressជាដើមដែលបានខិតខំជជីកឬសគល់ និងចុះផ្សាយពីព័ត៌មានដ៏ក្តៅគគុកមួយនេះទៅកាន់ទស្សនិកជន។ មិនតែប៉ុណ្ណោះរីឯបណ្តាអ្នកគាំទ្រលោកវណ្ណដា វិញក៏បានភ្លូកទឹកភ្លូកដីចែករំលែកចំណាប់អារម្មណ៍របស់ពួកគេជាហូរហែរ ជាពិសេសឃើញជារឿយៗនោះគឺនូវខេបសិនថា«ឳ បងអើយ ជាកំហុសអ្នកណា» ដែលជាប៉ារ៉ូលចំរៀងនៅក្នុងបទរបស់លោកវណ្ណដាតែម្តង។ ក្នុងខណៈពេលភ្លាមៗផងដែរ លោកជីដេវីតក៏បានបង្ហាញប្រតិកម្មឆ្លើយតបទៅកាន់មហាជនវិញនៅក្នុងថ្ងៃជាមួយគ្នានេះ ដោយលោកបានបកស្រាយឡើងថានេះគឺជាការវាយប្រហារលើ Loop ចម្រៀងរបស់លោកតាមរយៈការ Send Link ពីបុគ្គលណាម្នាក់ ដែលមិនមែនចាប់បានដោយប្រព័ន្ធ AI ទេ បើដូច្នេះវិញបទចម្រៀងរបស់លោកលើ Link ផ្សេងៗទៀតច្បាស់ជាលុបបានដូចគ្នា។ លោកជីដេវីតនៅតែអាចបញ្ចេញចង្កូមដុកដាន់ទៅកាន់អ្នកលបប្រហារលោកឡើងថា

«បើជ្រុលជា Send Link ទៅគេហើយ Send អោយគ្រប់ Link ផង កុំSend តែមួយ» រួចមកលោកក៏បានបញ្ជូន Link ជាច្រើននៅក្នុងការបង្ហោះរបស់លោកទៀតក្នុងចេតនាផ្តឺផ្តងទៅកាន់អ្នក Report ចិត្តសឿង។ ចុះទស្សនិកជនវិញយល់ឃើញយ៉ាងណាចំពោះការបង្កដ្រាម៉ាដែលតែងតែដើរតាមពីក្រោយលោកជីដេវីតនេះ?