កាលពីថ្ងៃទី២៦ ខែកក្កដា កន្លងទៅនេះ លោកជីដេវីតបានធ្វើការបង្ហេាះ Story មួយនៅក្នុងគណនី Instagram របស់លោកដែលបង្ហាញពីការឆ្លើយតបមួយចំនួនទៅកាន់ Story របស់លោក G-Dragon ដែលជាសមាជិកម្នាក់ក្នុងក្រុមចំរៀងកូរ៉េ Big Bang។ ហើយនៅក្នុង Story ដែលមានរូបថតលោក G-Dragon មួយសន្លឹកអង្គុយក្រពទ្ធ័ជើង លោកជីដេវីតបានធ្វើការឆ្លើយតបសូមអោយលោកជីដ្រាហ្កនមកចូលរួមសម្តែងថតជាមួយនឹងលោក។ យ៉ាងណាមិញសម្រាប់ព្រឹត្តិការណ៍ថត MV បទចំរៀង My brother របស់លោកជីដេវីតថ្មីៗនេះ ក៏ឃើញមានការរៀបចំប្លង់សម្តែង និងខនសេបស្រដៀងគ្នាទៅនឹងបទចំរៀងរបស់លោកជីដ្រាហ្គនមានចំណងជើងថា Who you? ដែលបានចេញផ្សាយកាលពីឆ្នាំ២០១៣កន្លងទៅនេះ។ 

ផេករបស់អ្នកគាំទ្ររបស់ក្រុមចម្រៀង Big Bang មួយបានធ្វើការបង្ហេាះរូបភាពថតMVរបស់លោកជីដេវីតទៅនឹង MV បទចំរៀង who you? របស់លោកជីដ្រាហ្កន ហើយពួកគេបានបង្ហាញចំណាប់អារម្មណ៍ពេញចិត្តដែលលោកជីដេវីតធ្វើការគាស់រំលឹកខនសេបនេះឡើងវិញ។ យ៉ាងណាមិញលោកជីដេវីតក៏បានធ្វើការចែករំលែកបន្តនូវសារមួយនេាះរួមជាមួយនឹងពាក្យពេចន៍មួយឃ្លាថា I’ll be VIP forever no surrender។​​​ 

លោកជីដេវីតបានបង្ហាញការស្រលាញ់ចូលចិត្ត និងគាំទ្រលោកជីដ្រាហ្កន យ៉ាងមុតមាំដោយបើកចំហ ធ្វើអោយមហាជនខ្លះមានការខ្វែងមតិយោបល់គ្នាអំពីរឿងផលិត MV មួយនេះ។ ខ្លះគាំទ្រសកកម្មភាពរបស់លោកជីដេវីតដោយយល់ថាការស្រលាញ់ចូលចិត្ត និងធ្វើតាមអាយដលរបស់យើងមិនមានអ្វីខុសឆ្គងនេាះទេប៉ុន្តែក៏មានមតិខ្លះទៀតប្រកាន់គោលជំហរយ៉ាងរឹងត្អឹងថាការធ្វើបែបនេះហាក់ដូចជាថតចំលងរំលោភកម្មសិទ្ធិបញ្ញាទៅហើយ។ មានអ្នកគាំទ្ររបស់លោកជាច្រើនបានលើកទឹកចិត្តនិងគាំទ្រដោយពោលពាក្យថាប្រសិនបើយើងបើកគំនិត និងបេះដូងអោយទូលំទូលាយ ការធ្វើនេះមិនជាខុសនេាះទេ  ប្រៀបដូចជាពួកគេកំពុងតែចិត្តអ្វីដែលអាយដល់របស់ពួកគេចូលចិត្តដូចគ្នា។ ចុះទស្សនិកជនទាំងអស់គ្នាយល់ឃើញយ៉ាងណាដែរសម្រាប់រឿងរ៉ាវចម្រូងចម្រាសមួយនេះ? Let me know in the comment below!