មេដឹកនាំប្រទេសដែលមានសេដ្ឋកិច្ចធំជាងគេទាំង២០ បានចាប់ផ្តើមធ្វើការជជែកគ្នាក្នុងរយៈពេល២ថ្ងៃចាប់តាំងពីថ្ងៃសៅរ៍ នៅពេលដែលគេបានចាប់ផ្តើមដឹងថាមានការគំរាមកំហែងអំពីបញ្ហាបម្រែបម្រួលបរិស្ថាន ប៉ុន្តែហាក់ដូចជាអល់អែកដោយមិនបានធ្វើការតាំងចិត្តជាថ្មីដើម្បីសម្រួលនូវបញ្ហាកំដៅនៃពិភពលោកនោះទេ។

ពង្រាងនៃសេចក្តីថ្លែងការណ៍ ដែលបានឃើញដោយទីភ្នាក់ងារព័ត៌មាន Reuters បានបង្ហាញថាប្រទេសធំៗជាច្រើនទំនងដូចជាយកចិត្តទុកដាក់តិចតួចចំពោះការអះអាងពីពេលមុនលើសកម្មភាពបរិស្ថានខណៈដែលខកខានមិនបានរៀបចំនូវមុខព្រួញថ្មីដែលសកម្មជនបាននិយាយថា វាមានសារៈសំខាន់ក្នុងការការពារមហន្តរាយបរិស្ថាន។

ទោះជាយ៉ាងណាក៏ដោយ ក៏មានរីកចម្រើនទៅលើផ្នែកផ្សេងៗ ដែលមេដឹកនាំទាំងនោះបានប្រកាសគាំទ្រជាសាធារណៈលើកិច្ចព្រមព្រៀងក្នុងការយកពន្ធជាអប្បបរិមាដោយប្រទេសទាំងអស់អាចនឹងប្រមូលពន្ធពីក្រុមហ៊ុនសាជីវកម្មចាប់តាំងពីឆ្នាំ២០២៣ ដែលជាកិច្ចព្រមព្រៀងគួរឲ្យចាប់អារម្មណ៍ក្នុងគោលបំណងដើម្បីបញ្ឍប់មុខរបរជំនួញធំៗក្នុងការលាក់បំពួនប្រាក់ចំណេញរបស់ខ្លួនពីការប្រមូលពន្ធ។

មេដឹកនាំទាំងអស់ក៏បានត្រូវគេរំពឹងផងដែរថា នឹងធ្វើការគាំទ្រនូវផែនការចាក់វ៉ាក់សាំងឲ្យបាន៧០%នៃចំនួនប្រជាពលរដ្ឋលើពិភពលោកប្រឆាំងទៅនឹងមេរោគកូវីដ-19ឲ្យបានមុនពាក់កណ្តាលឆ្នាំ២០២២និងបង្កើតក្រុមការងារដើម្បីប្រយុទ្ធប្រឆាំងទៅនឹងជម្ងឺរាតត្បាតពិភពលោកក្នុងពេលអនាគត។ “ ពីជម្ងឺរាតត្បាតពិភពលោក ទៅដល់បំរែបំរួលបរិស្ថាន,ការប្រមូលពន្ធឲ្យបានស្មើភាពនិងត្រឹមត្រូវ វាជារឿងសាមញ្ញបំផុតតែមិនមែនជាជំរើសដែលយើងត្រូវធ្វើតែឯកឯងនោះទេ” លោកនាយករដ្ឋមន្ត្រី អុីតាលី Mario Draghiបានថ្លែងនៅក្នុងការបើកអង្គប្រជុំ។

ប្លុក G-20 ដែលមាន ប្រេសុីល ចិន ឥណ្ឌា អាល្លឺម៉ង់ និងសហរដ្ឋអាមេរិក ដែលមានថវិការប្រមាណ៨០%នៃផលទុនសារុបពិភពលោក, ៦០%នៃចំនួនប្រជាពលរដ្ឋក្នុងពិភពលោកនិងដែលជាការប៉ាន់ស្មាន៨០%ក្នុងការបញ្ចេញនូវឧស្ម័នផ្ទះកញ្ចក់ក្នុងពិភពលោក។