យោងតាមមជ្ឈមណ្ឌលគ្រប់គ្រង និងការពារជំងឺ (CDC) Fiber គឺចាំបាច់សម្រាប់សុខភាព និងសុខុមាលភាពរបស់យើង។ Fiber ជួយរក្សាកម្រិតជាតិស្ករក្នុងឈាម និងកូឡេស្តេរ៉ុលរបស់អ្នក។ ដូចគ្នានេះដែរ វាអាចលើកកម្ពស់សុខភាពរំលាយអាហារ និងផ្តល់ការការពារប្រឆាំងនឹងជំងឺបេះដូង ជំងឺដាច់សរសៃឈាមខួរក្បាល ជំងឺលើសឈាម ជំងឺទឹកនោមផ្អែមប្រភេទទី 2 និងមហារីកមួយចំនួន (នេះបើយោងតាមទស្សនាវដ្តី The American Journal of Lifestyle Medicine)។

ការបង្កើនការទទួលទាន Fiber របស់អ្នក គឺជាគំនិតដ៏ល្អ ហើយនេះជាការពិត ជាពិសេសប្រសិនបើអ្នកមានបញ្ហាក្នុងការគេង។ ការសិក្សាឆ្នាំ 2016 ដែលត្រូវបានចេញផ្សាយនៅក្នុង Journal of Clinical Sleep Medicine បានរកឃើញថា បន្ទាប់ពីទទួលបាន Fiber គ្រប់គ្រាន់នៅពេលថ្ងៃ មនុស្សបានគេងលក់កាន់តែលឿន ហើយការគេងកាន់តែជ្រៅ និងកាន់តែមានគុណភាពល្អ។ ប៉ុន្តែ តើមានអ្វីកើតឡើង នៅពេលអ្នកទទួលទាន Fiber ប្រចាំថ្ងៃរបស់អ្នក មុនពេលចូលគេង?

ចុះ​បើ​អ្នក​ញ៉ាំ​ Fiber ​មុន​ចូល​គេង?

នៅពេលដែលអ្នកដឹងថាការទទួលបាន Fiber គ្រប់គ្រាន់អាចជំរុញឱ្យការគេងមានគុណភាពប្រសើរជាងមុន អ្នកអាចជាចង់សាកល្បងញ៉ាំអាហារសម្រន់នៅពេលយប់ ដើម្បីគេងឱ្យបានលឿន ប៉ុន្តែតើវាមានប្រសិទ្ធភាពដែរឬទេ? ចម្លើយ​ចំពោះ​សំណួរ​នេះ ​គឺ​មាន​លក្ខណៈ​ល្អិតល្អន់​បន្តិច។ យោងតាមគ្លីនិក Mayo អាហារសម្រន់នៅពេលយប់ជាទូទៅនឹងមិនជួយឱ្យអ្នកគេងលក់ស្រួលនោះទេ

ប៉ុន្តែអាហារសម្រន់ស្រាលៗផ្សេងទៀតដែលផ្តល់ Fiber រួមមាន អាល់ម៉ុន គីវី គ្រាប់ Walnut និង oatmeal យោងតាមការស្រាវជ្រាវមួយចំនួនបានបង្ហាញថា ការទទួលទានអាហារទាំងនេះមុនពេលចូលគេង អាចលើកកម្ពស់គុណភាពនៃការគេងបាន (តាម Healthline)។ សូមចងចាំថា អ្នកគួរតែទទួលទាន Fiber របស់អ្នកពេញមួយថ្ងៃ ជាជាងព្យាយាមបង្គ្រប់វាមុនពេលចូលគេង។ អ្នកឯកទេសខាងចំណីអាហារឈ្មោះ Jessica Crandall ប្រាប់ Everyday Health ថា ការញ៉ាំ Fiber ច្រើនពេកក្នុងមួយពេល អាចនាំឱ្យហើមពោះ និងរមួលក្រពើ ដែលប្រាកដជាមិនល្អសម្រាប់ការគេងរបស់អ្នកនោះទេ៕