កាលពីថ្ងៃទី២៥ ខែមីនាកន្លងទៅនេះ លោកជីដេវីតបានដំណើរការប្រគំតន្រ្តី FFF ASEAN PARTY ដោយមានកម្ពុជាជាម្ចាស់ផ្ទះលើកដំបូងរបស់លោករួចមកហើយដោយមានការចូលរួមពីបណ្តាគាំទ្ររបស់លោកជាច្រើនកុះករ។ នៅក្នុងព្រឹត្តិការណ៍ដ៏អស្ចារ្យនោះផងដែរ លោកជីដេវីតបានបង្ហាញសកម្មភាពមួយចំនួនដើម្បីសាងភាពសប្បាយរីករាយជាមួយនឹងបណ្តាអ្នកគាំទ្ររបស់លោកដូចជាទទួលយកកាដូអនុស្សាវរីយ៍ ព្រមទាំងប្រើប្រាស់វានៅលើឆាក សកម្មភាពសែលហ្វីជាមួយនឹងអ្នកគាំទ្ររបស់លោក និងការចុះហត្ថលេខាជាដើម។ លោកជីដេវីតបានឡើងសម្តែងនៅចុងក្រោយគេបង្អស់នៃកម្មវិធី ដោយមានការសម្តែងបទចំរៀងជាច្រើនបទ និងការសម្តែងបទប្រចាំត្រកូលរបស់លោកជាអកកេសVersionដែលលាយនឹងភ្លេង Remix ដូចជាបទរាំញីកែងជើង និងរាំពាក់ម៉ាស់ជាដើមដែលធ្វើអោយអ្នកគាំទ្រលាន់មាត់សរសើរថាពិតជាសប្បាយរីករាយខ្លាំងមែនទែន។ តារាកិត្តិយសកម្ពុជាមួយរូបទៀតគឺអ្នកនាងទេពបូព្រឹក្សក៏បានឡើងសម្តែងដ៏អស្ចារ្យនៅលើវេទិកានោះផងដែរតាមរយៈបទចម្រៀង«វីរនារី»របស់នាង។ រីឯការសម្តែងផ្សេងៗទៀតមានដូចជាការសម្តែងរបស់តារាចម្រៀងវៀតណាមលោក Jack-J97 តារាចម្រៀងថៃលោក Jarvis និងលោក Pokmindset តារាចម្រៀងហ្វីលីនពីនកញ្ញាAlex Bruce តារាចម្រៀងឥណ្ឌូនេស៊ីកញ្ញាRAMENGVRL។ មិនតែប៉ុណ្ណោះក៏នៅមានការសម្តែងបើកឆាកពីសិល្បករជំនាន់ថ្មីនៃប្រទេសកម្ពុជាដទៃទៀតដូចជា KANE Z, GRIEZll, REDKING និងZENTO ផងដែរ។ តើទស្សនិកចូលចិត្តការប្រគំតន្រ្តីនេះកម្រិតណា Let me know in your comment below!
