កាលពីថ្ងៃទី៨ខែមីនាកន្លងទៅនេះលោក ជីដេវីត បានទំលាក់រូបភាពមួយចំនួននៅលើទំព័រហ្វេសប៊ុកផ្លូវការរបស់លោកអំពីសិល្បករបរទេសដែលនឹងចូលរួមនៅក្នុងកម្ម​វិធីការប្រគំតន្រ្តី FFF ASEAN PARTY BY STING ខាងមុខនេះ។ ការប្រគំតន្រ្តីមួយនេះគឺការប្រគំតន្រ្តីដ៏ធំអស្ចារ្យដែលកម្ពុជាគឺជាម្ចាស់ផ្ទះក្នុងប្រវត្តិសាស្រ្តជាលើកដំបូងដោយមានការចូលរួមពីបណ្តាប្រទេសក្នុងអាស៊ីចំនួន៥ប្រទេសដែលរួមមានប្រទេសវៀតណាម ឥណ្ឌូនេស៊ី ហ្វីលីពីន ថៃ និងកម្ពុជា​។ អ្វីដែលអាចកត់សម្គាល់បានថាចំពោះសិល្បករអញ្ជើញមកពីប្រទេសទាំងនោះមានដូចជាលោក Jarvis និងលោក Pok Mindset ដែលអញ្ជើញមកពីប្រទេសថៃ កញ្ញា RAMENGVRL អញ្ជើញមកពីប្រទេសឥណ្ឌូណេស៊ី កញ្ញា Alex Bruce មកពីប្រទេសហ្វីលីពីន និងលោកJack J97 មកពីប្រទេសវៀតណាម។

គួររំលឹកផងដែរថាលោក Pok Mindset អញ្ជើញមកពីប្រទេសថៃគឺជាតារាចម្រៀងថៃលំដាប់ដ៏ល្បីដែលជាម្ចាស់បទដ៏ល្បីកក្រើកមួយចំនួនដូចជាបទ«WIP WUP»​ មានចំនូនអ្នកចូលទស្សនារហូតដល់៣០៥លានទស្សនានៅលើយូធូប និងបទ«KOM TUM» ជាដើមដែលធ្វើអោយសិល្បករថៃជាច្រើននាក់ប្រើប្រាស់បទនេះនៅលើវិដេអូ Tik Tok របស់ខ្លួន។ គួរបញ្ជាក់ផងដែរថាព្រឹត្តិការណ៍មួយនេះនឹងធ្វើឡើងនៅថ្ងៃទី២៥ ខែមីនា ឆ្នាំ២០២៣ នៅសណ្ឋាគារកាំបូឌីយ៉ាណា ចាប់ពីម៉ោង៤រសៀលតទៅ​។ សំរាប់សំបុត្រចូលរួមអាចរកបញ្ជាទិញបានតាមរយៈកម្មវិធី Live. By Wonderpass ជាមួយនឹងតំលៃសំបុត្រចូលរូមមានពីរប្រភេទ តំលៃធម្មតាត្រឹមតែ៧ដុល្លា និងតំលៃ VIP ១៥ដុល្លា។ តើទស្សនិកជនកំពុងទន្ទឹងរង់ចាំការប្រគំតន្រ្តីនេះមែនដែររឺទេ? Let me know in your comment down below!