បទ មានអារម្មណ៍ល្អ ឬជាភាសាអង់គ្លេស ថា “Feel Good” គឺជាចំរៀងដែលច្រៀងរួមគ្នារវាង តារាចំរៀងនិយមភ្លេងRock ថេណា និងតារារ៉េបថ្មី Tendo។ តាមរយៈការបកស្រាយ អត្ថន័យរបស់បទចំរៀងនេះគឺនិយាយរៀបរាប់អំពីអារម្មណ៍របស់តួប្រុសដែលអន្ទះសារ ចង់ឲ្យតួស្រីទទួលយកខ្លួនជាសង្សារពិតប្រាកដ ដោយមិនចង់ធ្វើត្រឹមជាមិត្តភក្រ្ត
ចំណែកឯភាគីនារីតែងតែប្រកែក ហើយបាននិយាយថា នាងមិនចង់គិតរឿងសង្សារអ្វីនោះឡើយ និងចង់អោយក្តីស្នេហារបស់ពួកគេទាំងពីរត្រឹមតែជាអ្នកយល់ចិត្តគ្នានិងអាចបង្កើតអារម្មណ៍ល្អៗដាក់ចំពោះគ្នាតែប៉ុណ្ណឹងព្រោះវាមិនទាន់ដល់ពេលវេលាស័ក្តិសមសម្រាប់នាងក្នុងការមានស្នេហាឡើយឬមិនទាន់ដាក់ចិត្តស្រឡាញ់ខ្លាំងនៅឡើយ។Admin ស្តាប់យូរៗទៅដូចជាចង់ចូលតួបាត់ទៅហើយនេះ ពីព្រោះវាជចង្វាក់ថ្មីហើយប្លែកអារម្មណ៍មួយបែបផ្សេងទៀតព្រមទាំងសាច់រឿងក៏ត្រូវនឹងតថភាពសង្គមយុវវ័យសម័យថ្មីជាពិសេសក្មេងវ័យជំទន់ដែលស្ថិតនៅក្នុងវ័យសិក្សាផងដែរ។ ចំណែកខាងMV នៅក្នុងបទចំរៀងនេះវិញក៏មិនណយដែរ គឺថាលូយកប់សារីតែម្តង ទាំងតួសម្តែងស្រស់ស្អាតនិងសង្ហា
អស្ចារ្យមហាលោតផ្លោះ ទីតាំង បរិយាកាស និងទេសភាពក៏ស៊ីតង់ដង់គ្នាដែរអ្នកទាំងអស់គ្នា។
ដូច្នេះបើអ្នកទាំងអស់គ្នាមិនទាន់បានទស្សនា អាចចូលទៅទស្សនានៅក្នុង Channel YouTube ផ្ទាល់របស់គាត់បាន៕
