ដោយមានការអញ្ជើញចូលរួមពីសិល្បករ និង Influencer​ ​​ល្បីៗជាច្រើនរូបរួមមានដូចជាកញ្ញា​​​ Hena លោកចាដេត លោករ៉េននីដារ៉ា កញ្ញាសុភក្រ័កុសុមៈ អ្នកនាងគង់ចន្ទ័ស្រីមុំនិងក្រុមគ្រួសារជាដើម។ គួរបញ្ជាក់ផងដែរកម្មវិធីនេះដំណើរការឡើងចាប់ផ្តើមពីម៉ោង៥ល្ងាចតទៅតែសង្កេតឃើញថាមានអ្នកគាំទ្រមួយចំនួនបានទៅដល់ទីនោះ២-៣ម៉ោងមុនដើម្បីរង់ចាំ។ ការប្រគុំតន្រ្តីទាំងមូលធ្វើឡើងដោយមានការចូលរួមយ៉ាងច្រើនកុះករពីបណ្តាអ្នកគាំទ្រទាំងឡាយមកពីគ្រប់មជ្ឈដ្ឋានដែលអញ្ជើញមកផ្តល់កំលាំងចិត្តផ្ទាល់ និងចូលរួមលេងកំសាន្តនៅក្នុងបរិវេនរៀបចំឡើងយ៉ាងស្រស់ស្អាត និងទំនើប។ កញ្ញាទេពបូព្រឹក្សបានសម្តែងការប្រគុំតន្រ្តីនៅលើបទចំរៀងទាំង១១បទរបស់កញ្ញាដោយទទួលបានជោគជ័យជាស្ថាពរថ្វីត្បិតតែមានការហត់នឿយបន្តិចមែន។ 

ចំនែកនៅវគ្គចុងក្រោយគឺមានការសម្តែងឡើងពិសេសដែលភ្ញៀវអញ្ជើញចូលរួមគ្រប់គ្នាទន្ទឹងរង់ចាំចង់ទស្សនានោះគឺមានការផ្សាយ Premire MV បទចំរៀង «One More» ដែលជាបទថ្មីរបស់កញ្ញា និងមានការសម្តែងឡើងផ្ទាល់ផងដែរ។ មិនតែប៉ុណ្ណោះកញ្ញាទេពបូព្រឹក្សក៏បានសម្តែងការប្រគុំតន្រ្តីបទថ្មីរបស់កញ្ញាមួយទៀតមានចំណងជើងថា «Devil» បានផ្តល់ផ្ទាំងទស្សនីយដ៏អស្ចារ្យសំរាប់អ្នកទស្សនាផងដែរ។ នៅក្នុងការសម្តែងឡើងពិសេសនោះក៏មានការអញ្ជើញចូលរួមសម្តែងពីភ្ញៀវកិត្តិយសពិសេសមួយរូបផងដែរគឺលោកជីដេវីតផ្ទាល់។