វ៉ាស៊ីនតោន-(AP)

សេចក្តីសម្រេចចិត្តរបស់ Joe-Biden ដើម្បីរៀបចំចងសម្ព័ន្ធមិត្តជាយុទ្ធសាស្រ្តក្នុងឥណ្ឌូប៉ាស៊ីហ្វីក ដែលមានអាមេរិក អង់គ្លេសនិងអូស្រ្តាលីដើម្បីប្រឆាំងជាមួយនឹងចិន បានធ្វើឲ្យបារាំងនិងសហគមន៍អឺរ៉ុបមានការខឹងសម្បារយ៉ាងខ្លាំង។ ពួកគេមានអារម្មណ៍ថាដូចទុកពួកគេចោល ហើយវាហាក់ដូចជាវិលត្រឡប់ថយក្រោយទៅរកសករាជ របស់Trump ឡើងវិញ ។

គំនិតផ្តួចផ្តើមផ្នែកសន្តិសុខ ដែលបញ្ចេញឲ្យដឹងក្នុងសប្តាហ៍នេះ វាហាក់ដូចជានាំមកនូវសេចក្តីស្រឡាញ់របស់ Biden នារដូវផ្ការីក ចំពោះអឺរ៉ុបបានបញ្ចប់ទៅដោយឆាប់រហ័សជាទីបំផុត។ ដែលជាការកត់សំគាល់ , AUKUS មិនមានរាប់បញ្ចូលបារាំងនិងអឺរ៉ុប ទេ វាអាចជាជំហ៊ានចុងក្រោយមួយដែលកើតមានឡើងជាបន្តបន្ទាប់ ចាប់តាំងពីអាហ្វហ្គានីស្ថានរហូតមកដល់អាស៊ីខាងត្បូងដែលធ្វើឲ្យអឺរ៉ុបមានការតក់ស្លុតយ៉ាងខ្លាំង។

បន្ទាប់ពីមានការសន្យាថា “ អាមេរិកត្រឡប់មកវិញហើយ “

និងថាពហុភាគីជាអ្នកនាំមុខនយោបាយការបរទេសរបស់អាមេរិក Biden បានចងសម្ព័ន្ធភាពជាមួយប្រទេសជាច្រើន ទៅតាមរបៀបដែលគេមើលឃើញថា លោកទៅតែម្នាក់ឯងនៅលើរឿងសំខាន់ៗជាច្រើន។រដ្ឋមន្រ្តីការបរទេសបារាំងបានបញ្ចេញនូវអារម្មណ៍មួយ ដែលបញ្ជាក់ថានឹងមិនអាចអត់អោនឲ្យបាន ដោយនិយាយថា «គឺជាការចាក់ពីក្រោយខ្នង» ហើយប្រធានទទួលបន្ទុកខាងកិច្ចការបរទេសអឹរ៉ុប ក៏បានបន្ទោសថាមិនមានការពិភាក្សារគ្នាអ្វីទាំងអស់។

បារាំងបានខាតបង់ បើគិតជាទឹកប្រាក់ចំនួនជិត៤០ពាន់លានដុល្លារក្នុងការដែលបាត់បង់ទំនាក់ទំនងកិច្ចសន្យាលើរឿង ស្ថាបនានាវាមុជទឹកជាមួយអូស្រ្តាលីនេះ។