កាលពីពេលថ្មីៗនេះ បទហ៊ីបហប់ខ្មែររស់រវើកថ្មីមួយកំពុងល្បីកក្រើកនៅលើបណ្តាញសង្គម Tik Tok ដោយបទនេះមានចំណងជើងថា«ដើរយ៉ូកៗ» ត្រូវបានចេញផ្សាយឡើងនៅលើឆាណែលផ្លួវការរបស់ផលិតកម្ម Enation មានឈ្មោះថា ENation Production កាលពីថ្ងៃទី១៥ ខែមករាកន្លងទៅនេះ។ គួរបញ្ជាក់ផងដែរបទចម្រៀងមួយនេះផងដែរត្រូវបានច្រៀងឡើងដោយតារារ៉េប៣រូបពីក្រុម Enation Family ដែលរួមមានលោក Nang Liger, Sean Loser និងYorn Ha។ គិតមកទល់ពេលនេះបទ«ដើរយ៉ូកៗ» ទទួលបានចំនួនអ្នកចូលទស្សនារហូតដល់១សែននាក់ទៅហើយនៅលើយូធូបត្រឹមរយៈពេលមួយខែប៉ុណ្ណោះ។ 

សង្កេតឃើញថាបទចម្រៀងមួយនេះដែរមានភាពទាក់ទាញកន្រ្តាក់អារម្មណ៍មិនថាទៅលើចង្វាក់ភ្លេង និងទំនុកច្រៀងនោះឡើយជាពិសេសនៅលើប៉ារ៉ូលចំរៀងថា«រាំបូ ប៉ាឌីយ៉ារាំបូ មានលុយទៅល្មិចស៊ីកូ រួចហើយទៅទីក្រុងតូក្យូ ទៅស្រុកខ្មែរទៅយើងស្រែកយ៉ូកៗ»។ យ៉ាងណាមិញផងដែរគួររំលឹកផងថាសិល្បករនៅក្នុងផលិតកម្ម ENation មានដូចជាលោក RedKing, Sean Loser, Yorn Ha,Nang Liger, Tra KoLa, Vin Trapz, JPok និង Sopheap ជាដើម។ គួរបញ្ជាក់ផងដែរលោក Yorn Ha និងលោក Nang Liger ក៏ជាដៃគូចម្រៀងក្នុងក្រុម Barber Family នៅក្នុងផលិតកម្ម K.E Entertainment ផងដែរ និងធ្លាប់បានចេញផ្សាយបទចម្រៀងល្បីកក្រើកមួយបទមានចំណងជើងថា«សាក់ប្រឡាក់កាយ» កាលពីខែមេសា ឆ្នាំ២០២១កន្លងទៅនេះ។ តើទស្សនិកជនទាំងអស់គ្នាពេញចិត្តបទថ្មីរបស់ពួកគេទាំង៣ដែររឺទេ? Let me know in your comment below!