បេក្ខជន The Rapper Cambodia នីមួយៗនៅក្នុងរដូវកាលទី១នេះ ធ្វើអោយទស្សនិកជនជាច្រើនចាប់ផ្តើមសង្កេតឃើញថា ពួកគេ aren’t just come out of the blue ប៉ុន្តែម្នាក់ៗសុទ្ធតែមានសមត្ថភាពពិតៗ និងជាបេក្ខជនជើងខ្លាំងដែលមានសមាសភាពមិនធម្មតាជាយូរមកហើយ ខ្លះជា Young Tik Tok Star ខ្លះជា Net Rapper ដ៏យូរឆ្នាំ និងខ្លះទៀតជា New Rapper អាជីពតែម្តង ដែលម្នាក់ៗមានឈ្មោះបោះសំលេងនៅលើបណ្តាញសង្គមស្រាប់។ 

យ៉ាងណាមិញលោក Emi ដែលជាកូនក្រុមលោក Norith ក៏ជា Young Tik Tok Star មួយរូបផងដែរ ដែលមានមហាជនស្គាល់ជាច្រើន។ ម្យ៉ាងទៀតកាន់តែគួរអោយចាប់អារម្មណ៍ថែមទៀតនោះ នៅក្នុងវគ្គ Battle Round សប្តាហ៍ទី២ ដែលជាវគ្គជម្រុះកូនក្រុម Coach Norith លោក Emi បានទម្លាយអោយដឹងថា លោកជាអ្នកដែល Cover បទ«កម្លោះស្រុកស្រែ»​​​ Version កំ​​​ប្លែងៗរបស់លោកវណ្ណដាតែម្តងនៅលើ Tik Tok ដែលកាលណោះបានធ្វើអោយផ្ទុះសាងការចាប់អារម្មណ៍នូវភាពកំប្លុកកំប្លែងរបស់លោក។

សមាសភាពរបស់លោក Emi បានធ្វើអោយមនុស្សជាច្រើនមានការភ្ញាក់ផ្អើល និងផ្ទុះសំណើចឡើង អមនឹងភាពក្លាហាន និងពូកែលេងសើចច្រើនរបស់លោកទៀតនោះ កាន់តែញ៉ាំងអោយបរិយាកាសមានភាពរីករាយ។ ខណៈបន្ទាប់មកលោក Emi ក៏បានក្លាយជាបេក្ខជនតែមួយរូបគត់ដែលបានយកឈ្នះវគ្គ Battle Round ផ្តួលគូប្រជែង២រូបទៀតនៅក្នុងក្រុមរបស់លោកគឺលោក Vanno និងលោក Kan។ 

ចំណែកកាលពីពេលថ្មីៗនេះផងដែរ លោក Emi បានចាប់ផ្តើមមានវត្តមានជាច្រើននៅក្នុងការប្រគំតន្រ្តីមួយចំនួន ដូចជាការប្រគំតន្រ្តីនៅ Azone Club ជាមួយវណ្ណដា និងការប្រគំតន្រ្តីស្រាបៀវឌ្ឍនៈនៅខេត្តកំពង់ចាមជាដើម។ ប្រជាប្រិយភាព និងភាពទាក់ទាញរបស់លោកបានធ្វើអោយសូម្បីតែ Zando ក៏បានជ្រើសរើសបង្ហោះរូបភាពមួយចំនួនរបស់លោកនៅលើទំព័រហ្វេសប៊ុករបស់ពួកគេផងដែរ ដោយលោកបានគ្រងឈុតសំលៀកបំពាក់ Zando នៅលើឆាកសម្តែង។ តើទស្សនិកជនយល់ឃើញយ៉ាងណាដែរចំពោះការសម្តែងរបស់លោក Emi?