បន្ទាប់ពី The Rapper ជំនាន់ទី១ លោក Kan បានធ្វើការទម្លាក់បទ«Malakang Scammer» កាលពីថ្ងៃទី២៨ ខែកក្កដានេះរួចមក សមាជិកមួយរូបទៀតនៅក្នុងក្រុមពួកម៉ាកទាំង៣នៃវគ្គ Battle Round និងក៏ជាបេក្ខភាពដែលបានយកឈ្នះនៅក្នុងឮវគ្គនេះផងដែរ គឺ លោក Emi ក៏បានទម្លាក់បទ Diss Track មួយទៀតទៅកាន់លោក VANNO កាលពីយប់មិញនេះ។ នៅលើគណនី Tik Tok ផ្លូវការរបស់លោក Emi ដែលមានឈ្មោះថា Eminiminamino កាលពីម្សិលមិញនេះ លោកបានធ្វើការបង្ហោះឡើងនូវ Clip បទចម្រៀង Diss Track ខ្លីមួយ ដោយបានឆ្លើយតបទៅកាន់អ្នកគាំទ្ររបស់លោកម្នាក់ខមមែនឡើងថា«Emi ចេញបទបន្តិចដែរមក» ដោយលោកក៏បានសរសេរខេបសិនតបទៅវិញថា«យកបទនេះ Full រឺអត់?» ដែលធ្វើអោយបណ្តាអ្នកគាំទ្រជាច្រើននាក់មានការពេញចិត្តជាខ្លាំងចំពោះការចូលរួមនៅក្នុងសង្គ្រាមរ៉េបនេះរបស់លោក។
ដោយមានអ្នកគាំទ្រខ្លះបានសរសេរឡើងថា«Emi Cooking» ខ្លះទៀតសរសេរឡើងថា«ចឹងឡើងកុំអោយស្ងាត់» និងខ្លះទៀតក៏បានទទូចសុំអោយលោកចេញបទចម្រៀងពេញនេះឆាប់ៗ។ គួរអោយចាប់អារម្មណ៍បានថា មហាជនបានបង្កើនការចាប់អារម្មណ៍នៅក្នុងរឿងជំលោះរបស់លោក VANNO បន្ទាប់ពីលោកបានបញ្ចេញបទចម្រៀង Diss Track មួយដែលមានចំណងជើងថា«Unfair» ហើយនៅក្នុងផងដែរ លោកក៏បាន Mention ដល់ពាក្យថា«មិត្តភក្តិទាំង៣» និងរៀបរាប់ឡើងថាគេជួយតែគ្នាគេ ដែលធ្វើអោយទស្សិកជនជាច្រើនយល់ឃើញលោកចង់សំដៅដល់លោក KAN និងលោក EMI ហើយ។ ដោយសង្កេតឃើញថាមកទល់ពេលនេះ លោក EMI និងលោក KAN ក៏កំពុងបង្ហាញភាពស្និទ្ធស្នាលជាមួយនឹងខាង The Rapper ឯទៀតច្រើនជាង ដែលក្នុងនោះគឺមានលោក GMENGZ ជាដើម។ ចុះទស្សនិកជនវិញយល់ឃើញយ៉ាងណាដែរ?