គណប្រតិភូមួយនៃអង្គការនយោបាយ និងសេដ្ឋកិច្ច អាហ្វ្រិកខាងលិច នឹងដឹកនាំគណប្រតិភូទៅប្រទេសហ្គីណេ នៅថ្ងៃសុក្រ 2ថ្ងៃបន្ទាប់ពីបានសម្រេចព្យួរសមាជិកភាពហ្គីណេពីអង្គការនេះ បន្ទាប់ពីបានផ្តួលរំលំរដ្ឋាភិបាលលោកប្រធានាធិបតី Alphar Conde ។
រដ្ឋមន្ត្រីក្រសួងការបរទេស នៃប្រទេស Burkina Faso, Ghana, Nigeria និង Togo នឹងទៅដល់រជ្ឋធានី Conakry ក្នុងនាមជាតំណាងឲ្យ រដ្ឋសហគមន៍សេដ្ឋកិច្ចអាហ្វ្រិកខាងលិច (ECOWAS) សមាជិកម្នាក់នៃគណប្រតិភូ បាននិយាយកាលពីថ្ងៃព្រហស្បតិ៍។
បេសកកម្មការទូតជាន់ខ្ពស់នេះ មានបំណងនឹងទាមទារ ឱ្យមានការដោះលែងលោក Conde និងដំណើរការរដ្ឋធម្មនុញ្ញដូចប្រក្រតីឡើងវិញ បន្ទាប់ពីមានការធ្វើរដ្ឋប្រហារ ដោយវរសេនីយ៍ទោ Mamady Doumbouya និងកងកំលាំងពិសេសកាលពីថ្ងៃអាទិត្យ។
ECOWAS បានទាមទារឲ្យដោះលែង លោក Conde អាយុ 83 ឆ្នាំ តែពុំបាននិយាយពីការដាក់ទណ្ឌកម្មសេដ្ឋកិច្ចនោះទេ ពួកយោធារដ្ឋប្រហារមានបំណងទុកលោក ប្រធានាធិបតីជាកាក់ សំរាប់តថ្លៃជាមួយក្រុមប្រទេសអាហ្រ្វិកខាងលិច នេះបើតាមប្រភព ទូរទស្សន៍អាល់ហ្សាហ្សេរ៉ា រាយការណ៍ពីទីក្រុង Conakry៕
