ទស្សនិកជនទាំងអស់គ្នា ប្រហែលជាធ្លាប់បានឃើញមុខមាត់របស់លោក GV Lux ជាច្រើនលើកជាច្រើនសាររួចមកហើយ តាមរយៈការសម្តែងរបស់លោកមិនថានៅលើឆាកតន្រ្តី រឺការរួមសហការការងារជាមួយសិល្បករដទៃជាច្រើននាក់។ លោក GV Lux គឺជាសមាជិកមួយរូបរបស់ក្រុមបារមីផងដែរ ដែលធ្លាប់បានរួមសហការការងារជាមួយនឹងបណ្តាសិល្បករនៃក្រុមបារមីជាច្រើននាក់ពីមុនមក មិនថាឡើយការងារលើឆាក រឺក្រោយឆាក រាប់ចាប់តាំងពីការសហការជាមួយសិល្បករឯករាជ្យដូចជាលោក Mith Soybad រហូតដល់ក្រុមតារាចំរៀងរ៉េបដូចជា La CimaCartel លោក GV Lux តែងតែធ្លាប់បានមានវត្តមានជានិច្ច និងទទួលបានការកត់សម្គាល់ជា Talent មួយរូបដែលមានទាំងសមត្ថភាព និងសកម្មភាពការងារ Team Work បានយ៉ាងល្អ។
បន្ទាប់ពីលោក GV Lux បានសំរាកពីការងារសិល្បៈមួយរយៈ កន្លងមកថ្មីៗនេះ លោក GV Lux ហាក់ដូចជាបានត្រលប់មកក្នុងវិថីសិល្បៈយ៉ាងស៊ុបវិញ ក្រោយលោកបានប្រកាសកាលពីចុងខែនេះថា លោកបានត្រៀមខ្លួនជាច្រើនដើម្បីត្រលប់មកបើកទំព័រថ្មីនៃវិថីសិល្បៈរបស់លោក។ លោក GV Lux បានអោយដឹងថា លោកនឹងសូមប្រកាសអោយទស្សនិកជនបានដឹងទាំងអស់គ្នាថា បន្តទៅមុខទៀត លោកនឹងធ្វើការប្តូរឈ្មោះឯងក្នុងវិថីសិល្បៈពី GV Lux មកជា DYLUX វិញ។ \
បន្ថែមលើនេះ លោកក៏បានបញ្ជាក់អោយកាន់តែច្បាស់ថា លោកបានមានបទចម្រៀងថ្មីមួយបទក្រោមចំណងជើងថា«ចង់» រឺ«Yearn» ដើម្បីជាកាដូ និងការអបអរសំរាប់ការបើកទំព័រថ្មីនៃវិថីសិល្បៈរបស់លោក។ គួរបញ្ជាក់ផងដែរថា បទ«ចង់»នេះត្រូវបានចេញផ្សាយឡើងកាលពីថ្ងៃទី១៧ ខែវិច្ឆិកាកន្លងទៅនេះ។ តើទស្សនិកជនយល់ឃើញយ៉ាងណាដែរសម្រាប់បទថ្មីរបស់លោក DYLUX?
