SCMP-

អ្នកយកព័ត៌មានហ្វីលីពីនម្នាក់ត្រូវបានស្លាប់ បន្ទាប់ពីត្រូវបានគេបាញ់ជាច្រើនគ្រាប់នៅក្នុងផ្ទះរបស់ខ្លួន ,ប៉ូលីសបាននិយាយកាលពីថ្ងៃអាទិត្យ,ដែលក្លាយទៅជាលើកចុងក្រោយក្នុងការបាញ់សម្លាប់ជាបន្តរបន្ទាប់លើអ្នកសារព័ត៌មាននៅក្នុងប្រទេស។ ប្រជាជាតិដែលរួមប្រជុំដោយកោះជាច្រើន គឺជាកន្លែងដែលមានគ្រោះថ្នាក់ជាងគេបំផុត សំរាប់អ្នកកាសែតនៅលើពិភពលោក ដែលឃាតករភាគច្រើនដែលសម្លាប់ពួកគេមិនត្រូវបានចាប់ខ្លួន។

Orlando Dinoy ,អ្នកយកព័ត៌មានអនឡាញនិងជាពិធីករនៃវិទ្យុFM ហ្វីលីពីន បានត្រូវបាញ់៦គ្រាប់ដោយខ្មាន់កាំភ្លើង ដែលចូលមកក្នុងផ្ទះល្វែងរបស់គាត់ទាំងកម្រោលនៅក្នុងក្រុង Bansalan ,កោះ Midanao , មន្រ្តីប៉ូលីសនៅក្នុងតំបន់ លោកវរសេនីយត្រី Peter Glen Ipon បាននិយាយ។ Dinoy បានស្លាប់ភ្លាមមួយរំពេចនៅហ្នឹងកន្លែង មន្រ្តីកំពុងតែធ្វើការស៊ើបអង្កេតអំពីមូលហេតុដែលនៅពីក្រោយការបាញ់សម្លាប់នេះ ។
ជ្រុងមួយនៃការស៊ើបអង្កេតដែលយើងកំពុងតែរកមើលគឺការងាររបស់គាត់ជាអ្នកសារព័ត៌មាន ប៉ុន្តែរហូតមកទល់ពេលនេះមិនមាននរណាម្នាក់ បានផ្តល់នូវការណែនាំជាក់លាក់នោះទេ។

Dinoy គឺជាអ្នកកាសែតទី២១ ត្រូវបានគេធ្វើឃាតិ ចាប់តាំងពីលោកប្រធានាធិបតី Duterte ឡើងកានអំណាចចាប់តាំងពីឆ្នាំ២០១៦ សហជីពអ្នកកាសែតជាតិបាននិយាយ ។ អគ្គនាយកប៉ូលីសជាតិ លោកឧត្តមសេនីយ៍ Guillermo Eleazar បានបញ្ជាឲ្យធ្វើការការសើបអង្កេតដោយម៉ដ្ឋចត់នៅក្នុងករណីនេះ ព្រមទាំងបានប្តេជ្ញាចិត្តថានឹងការពារប្រព័ន្ធផ្សព្វផ្សាយពីការវាយប្រហារនានា។

ក្នុងរបាយការណ៍មួយនៅខែនេះ ,គណៈកម្មការការពារអ្នកកាសែតដែលមានមូលដ្ឋាននៅក្រុង New York បានចុៈបញ្ជីរ ហ្វីលីពីនស្ថិតនៅលេខរៀងទី៧នៅក្នុងសូចនាករនិទ័ណ្ឌភាពនៃពិភពលោក ដែលមានករណីឃាតករសម្លាប់អ្នកកាសែតចំនួន១៣នាក់មិនទាន់បានដោះស្រាយ។