កាលពីថ្ងៃទី២២ ខែសីហាកន្លងទៅនេះ អ្នកចម្រៀងរ៉េបជនជាតិកាណាដា Drake បាន Tease អ្នកគាំទ្ររបស់លោកឡើងជាមួយនឹងរូបភាព Cover អាល់ប៊ុមថ្មីដែលមានរូបគំនូរសត្វឆ្កែដ៏ប្លែកម្យ៉ាងនៅលើបណ្តាញសង្គម Instagram
។ Drake បានបង្ហោះរូបភាពនោះឡើងអមជាមួយនឹងខេបសិនថា«For All The Dogs, Cover by Adonis»។ គួរបញ្ជាក់ផងដែរ Drake បានចាប់ផ្តើម Tease អាល់ប៊ុមនេះដំបូងចាប់ពីខែមករាមកម្ល៉េះ នៅក្នុងការសម្តែងរបស់លោកមួយនៅឯរោងមហោស្រព Apollo នៃទីក្រុង New York។

ដោយលោកបានបង្ហើបអោយដឹងថា លោកនឹងមានគំរោងបញ្ចេញអាល់ប៊ុមថ្មីនៅក្នុងឆ្នាំនេះ។ ចំណែកកាលពីខែមុន Drake ក៏បានប្រកាសទាក់ទងអំពីអាល់ប៊ុមថ្មីនេះ For All The Dogs នៅប៉ុន្មានម៉ោងបន្ទាប់ពីការចេញផ្សាយសៀវភៅ Poetry របស់លោកមួយក្ប​​​ាលដែលមានចំណងជើងថា «Titles Ruin Everything: A Stream of Consciousness»។

ដើម្បីប្រម៉ូតសៀវភៅមួយក្បាលនេះ Drake បានដាក់ការផ្សព្វផ្សាយពាណិជ្ជកម្មជាច្រើននៅលើបណ្តាសារព័ត៌មានដូចជា The New York Post និង The Lost Angeles Times ដោយនៅលើពាណិជ្ជកម្មទាំងនោះមានភ្ជាប់ជាមួយនឹង QR Code ទៅកាន់គេហទំព័រសៀវភៅរបស់លោក ដែលជាកន្លែងដែលលោកបានប្រកាសចេញផ្សាយអាល់ប៊ុមថ្មីនេះក្នុងពេលឆាប់ៗជា Long Play Record។

នៅលើគេហទំព័រនោះ បានសរសេរសារអមឡើងថា«I made an album to go with the book. They say they miss the old Drake girl don’t tempt me. FOR ALL THE DOGS.»។ ដោយលោក Drake មានគោលបំណងបញ្ជាក់ថា លោកបានធ្វើអាល់ប៊ុមថ្មីនេះដើម្បីអោយស៊ីគ្នាទៅនឹងជាមួយសៀវភៅរបស់លោក។ យ៉ាងណាមិញ យើងនៅមិនទាន់បានដឹងពីកាលបរិច្ឆេទពិតប្រាកដនៃការចេញផ្សាយអាល់ប៊ុម FOR ALL THE DOGS របស់ Drake នៅឡើុយទេ។ ចុះទស្សនិកជនយល់ឃើញយ៉ាងណាដែរចំពោះរូបភាព Teaser Cover អាល់ប៊ុមថ្មីរបស់លោក Drake ដែលទើបនឹងចេញផ្សាយនេះ?