Drake បានចែករំលែកបន្ត Story នៃ Billboard Hot 100 Top 10 ទៅក្នុង Story គណនី Instagram របស់លោកកាលពីថ្ងៃច័ន្ទកន្លងទៅនេះ។ លោកបានទាក់ទាញចំណាប់អារម្មណ៍មនុស្សជាច្រើននៅលើអ៊ីនធីណែតអោយមានការចាប់អារម្មណ៍ទៅលើការបង្ហោះនៅលើ Instagram របស់លោក។ តារាចម្រៀងរូបនេះមានការមិនពេញចិត្តជាខ្លាំងចំពោ Taylor Swift នៅពេល Billboard បានបញ្ចេញនូវតារាបទចំរៀងថ្មី Hot 100 កាលពីថ្ងៃច័ន្ទ ទី១៤ ខែវិច្ឆិកាកន្លងទៅនេះ។
ប្រតិកម្មរបស់តារារ៉េបរូបនេះបានកើតឡើងបន្ទាប់ពីពេលអាល់ប៊ុមថ្មីរបស់លោកដែលបានរួមសហការជាមួយនឹងលោក 21 Savage បានបញ្ចេញមកនិងត្រូវនាំមុខដោយបទចំរៀង Anti-Hero របស់ Taylor Swift។ បន្ទាប់មកតារាចម្រៀងរូបនេះដែលមានវ័យ៣៦ឆ្នាំក៏បានបើកគណនី Instagram របស់លោក និងបានបង្ហោះ Screenshot ពីតារាង Billboard Hot 100 Top 10 ដោយបង្ហាញបទចំរៀងទាំង៨បទរបស់លោកនៅលើតារាង។
ប៉ុន្តែម្ចាស់អាល់ប៊ុម Midnight នៅតែរក្សាបានបទចំរៀងលំដាប់លេខ១នៅលើតារាង ដែលបណ្តាលអោយ Drake សំរេចចិត្តបាំងពីលើឈ្មោះចំណងជើងបទចម្រៀងរបស់នាងដោយប្រើប្រាស់រូប Emoji មួយចំនួននៅក្នុងរូបថតនោះ។ បទចំរៀង Hit របស់ Taylor Swift ដែលមានចំណងជើងថា Anti-Hero មួយនេះត្រូវបានបញ្ចេញពីអាល់ប៊ុមស្ទូឌីអូទី១០របស់នាង និងរក្សាបានលេខរៀងទី១អស់ចំនួន៣សប្តាហ៍រៀងគ្នាមកហើយនៅលើតារាង Billboard។
ដោយឡែក Drake វិញទើបតែបានរួមសហការការងារជាមួយនឹងតារារ៉េបជនជាតិអាមេរិកម្នាក់ឈ្មោះថា 21 Savage ដើម្បីបញ្ចេញនូវអាល់ប៊ុមថ្មីរបស់ខ្លួនចំណងជើងថា "Her Loss"។ គួរបញ្ជាក់ផងដែរអាល់ប៊ុមស្ទូឌីអូមួយនេះរបស់លោកត្រូវបានចេញផ្សាយឡើងនៅថ្ងៃទី០៤ ខែវិច្ឆិកា នៅក្រោយពេលចេញផ្សាយអាល់ប៊ុម Midnight របស់ Taylor Swift នោះទេ។
