Ruska Lozova ,Ukraine-

រុស្សីបានធ្វើការវាយប្រហារយ៉ាងខ្លាំងនៅទីតាំងភាគខាងកើតអ៊ុយក្រែនកាលពីថ្ងៃអាទិត្យ ក្រសួងការពារជាតិរុស្សីបាននិយាយ ខណៈដែលបានធ្វើការស្វែងរកដើម្បីឡោមព័ទ្ធកងកម្លាំងអ៊ុយក្រែននិងបានទប់ទល់ចំពោះការវាយប្រហារតបតវិញនៅជុំវិញទីក្រុងជាយុទ្ធសាស្ត្រដែលកាន់កាប់ដោយរុស្សី Izium។នៅក្នុងកិច្ចប្រជុំក្នុងប្រទេសអាល្លឺម៉ង់អគ្គលេខាធិការNATO បាននិយាយថាអ៊ុយក្រែនអាចនឹងឈ្នះសង្រ្គាម ដោយបានអំពាវនាវឲ្យមានការគាំទ្រផ្នែកជំនួយសព្វាវុធបន្ថែមទៀតនិងអនុមត្តិឲ្យបានលឿននៃកគោលបំណងក្នុងការរំពឹងទុកដោយហ្វាំងឡង់និងស៊ុយអែដក្នុងការចូលរួមជាមួយសម្ព័ន្ធមិត្ត។

អ៊ុយក្រែនបានឈ្នះជាបន្តបន្ទាប់ចាប់តាំងពីរុស្សីបានចូលឈ្លានពានអ៊ុយក្រែនកាលពីខែកុម្ភះថ្ងៃទី២៤ ដោយបានបង្ខំឲ្យមេបញ្ជាការរុស្សីបោះបង់ការវាយចូលកាន់កាប់ទីក្រុងKyiv មុនពេលដែលបានកើនឡើងយ៉ាងលឿនក្នុងការបង្ខំពួកគេឲ្យចាកចេញពីទីក្រុងKharkiv ដែលជាទីក្រុងដ៏ធំទី២នៃអ៊ុយក្រែន។ការឈ្លានពានរបស់ទីក្រុងមូស្គូ ដែលគេហៅថាជាប្រតិបត្តិការយោធាពិសេស ដើម្បីដកអាវុធអ៊ុយក្រែននិងការពារពីពួកហ្វាស៊ីស ដែលបានជំរុញឲ្យសន្តិសុខអឺរ៉ុបមានការញាប់ញ័រ។ទីក្រុងKyiv នឹងសម្ព័ន្ធមិត្តលោកខាងលិចនិយាយថាការបញ្ជាក់ពីរបបហ្វាស៊ីសគឺជាលេសដែលគ្មានមូលដ្ឋានក្នុងការឈ្លានពាននៃសង្គ្រាមដែលគ្មានការបង្ករហេតុ។

លោកប្រធានាធិបតី ហ្វាំងឡង់ ដែលប្រទេសរបស់លោកមានព្រំប្រទល់រួមជាមួយរុស្សីប្រវែង១,៣០០គ.ម.  បានបញ្ជាក់កាលពីថ្ងៃអាទិត្យថាប្រទេសរបស់លោកនឹងដាក់ពាក្យសុំចូលជាសមាជិកNATO ដែលជាការផ្លាស់ប្តូរនយោបាយដ៏ធំមួយដែលជំរុញដោយការឈ្លានពានរបស់រុស្សីមកលើអ៊ុយក្រែន គណបក្សកាន់អំណាចស៊ុយអែដនឹងចូលមកតាមក្រោយ។ ចាប់តាំងពីពាក់កណ្តាលខែមេសា កងកម្លាំងរុស្សីបានផ្តោតយ៉ាងខ្លាំងនៃកម្លាំងយោធារបស់ពួកគេក្នុងការព្យាយាមដើម្បីកាន់កាប់ខេត្ត២នៃតំបន់ភាគខាងកើតដែលគេស្គាល់ថាជាតំបន់Donbas បន្ទាប់ពីបរាជ័យមិនអាចវាយកទីក្រុងKyivបាន។

ការគណនារបស់ចារកម្មស៊ើបការណ៍សម្ងាត់យោធាអង់គ្លេស បាននិយាយថារុស្សីបានបាត់បង់ប្រហែលជា១/៣នៃកងទ័ពជើងគោករបស់ខ្លួនដែលបានដាក់ពង្រាយកាលពីខែកុម្ភះ។ការវាយប្រហាររបស់ខ្លួននៅក្នុងDonbas បានរងការបរាជ័យមិនបានតាមផែនការនិងទំនងជាមិនអាចរុលមកមុខបានលឿនក្នុងអម្លុងពេល៣០ថ្ងៃ ការគណនាបាននិយាយ។”សង្រ្គាមរុស្សីនៅអ៊ុយក្រែននឹងមិនអាចធ្វើទៅតាមផែនការដែល មូស្គូបានគ្រោងទុកនោះទេ “ អគ្គលេខាធិការ NATO លោក Jens Stoltenberg បាននិយាយ។