កាលពីថ្ងៃទី១០ និងទី១១ ខែកុម្ភៈកន្លងទៅនេះ ការប្រគំតន្រ្តី X-Cam EDM Festival ដែលធ្វើឡើងនៅកោះពេជ្របានប្រមូលផ្តុំដោយកំពូលDj ល្បីៗលំដាប់ថ្នាក់ពិភពលោកជាច្រើននាក់។ ដោយក្នុងនោះមានដូចជា Timmy, Maily, AmberNa, BlasterJaxx, Get Loose និងWukong ជាដើម។ មិនតែប៉ុណ្ណោះផងដែរក៏មានការចូលរួមសម្តែងពីក្រុមរ៉េបផ័រកម្ពុជា Lacima Cartel ផងដែរ។ កត់សម្គាល់ឃើញថាមហាជនមានការចាប់អារម្មណ៍យ៉ាងខ្លាំងបន្ទាប់ពី Dj ជនជាតិសឹង្ហបុរីដ៏ល្បីមួយរូបដែលមានឈ្មោះថា Wukong បានធ្វើការបង្ហោះវីដេអូសម្តែងរបស់លោកផ្ទាល់នូវបទ«ជំពូក១»របស់លោកវណ្ណដានៅលើឆាកតន្រ្តី X-Cam Festival កាលពីថ្ងៃទី១២ ខែកុម្ភៈកន្លងទៅនេះនៅលើTik Tok ដោយវិដេអូនោះទទួលបានការចូលទស្សនារហូតដល់១លានដងឯណោះ។ 

មហាជនជាច្រើននាក់បានសម្តែងអារម្មណ៍ស្ញប់ស្ញែងនិងកោតសរសើរយ៉ាងខ្លាំងដែលទីបំផុត Dj ដ៏ល្បីលំដាប់ថ្នាក់ពិភពលោកបានជ្រើសរើសបទលោកវណ្ណដាមកចាក់សម្តែងរាំយ៉ាងកក្រើកឆាក។ គួរបញ្ជាក់ផងដែរ Dj Wukong បានធ្វើដំណើរទេសចរណ៍សម្តែងការប្រគំតន្រ្តីនៅតាមបណ្តាប្រទេសនៅអាស៊ីជាច្រើនរួចមកហើយដែលមានដូចជាប្រទេសថៃ វៀតណាម ម៉ាឡេស៊ី មីយ៉ាន់ម៉ា និងប្រទេសចិនជាដើម ហើយនេះក៏ជាកិត្តិយសដ៏វិសេសមួយដែលសិល្បករនៃប្រទេសកម្ពុជាបានមានឈ្មោះបោះសំលេងទៅលើឆាកអន្តរជាតិ។ ជាក់ស្តែងមិនតែលោកវណ្ណដាប៉ុណ្ណោះទេ ក៏នៅមានក្រុម Laci Ma Cartelផងដែរ ដែលបានធ្វើការសម្តែងផ្ទាល់រួមគ្នាលើឆាកជាមួយនឹងលោក Wukong។ តើទស្សនិកជនទាំងអស់គ្នាត្រៀមខ្លួនសំរាប់ការប្រគំតន្រ្តីពេលក្រោយៗទៀតហើយរឺនៅ? Let me know in your comment below!