បុរសអាយុត្រឹមតែ 22 ឆ្នាំ Titus Low គឺជា Content Creator នៅលើគេហទំព័រ OnlyFans ដ៏ជោគជ័យបំផុតម្នាក់របស់ប្រទេសសិង្ហបុរី។ មនុស្សរាប់ពាន់នាក់ បាន Subscribe គាត់នៅលើវេទិកាអនឡាញដែលអ្នកប្រើប្រាស់អាចទិញ ឬលក់មាតិកាដើម។ គេហទំព័រនេះត្រូវបានគេស្គាល់ថា ល្អបំផុតសម្រាប់មាតិកាមនុស្សពេញវ័យ ដោយ Low ខ្លួនគាត់ប្រើវាដើម្បីបង្ហោះរូបថត និងវីដេអូអាក្រាតកាយ។ ប៉ុន្តែកាលពីខែធ្នូ ឆ្នាំមុន គាត់ត្រូវបានចាប់ខ្លួន និងចោទប្រកាន់ពីបទ "បញ្ជូនសម្ភារៈអាសអាភាស" ដែលធ្វើឱ្យគាត់ក្លាយជា Content Creator នៅលើគេហទំព័រ OnlyFans ដំបូងគេ ដែលត្រូវប្រឈមមុខនឹងការកាត់ទោសនៅប្រទេសសិង្ហបុរី។

គាត់អាចប្រឈមនឹងការជាប់ពន្ធនាគាររាប់ខែប្រសិនបើតុលាការរកឃើញថា គាត់មានទោស។ គាត់មិនទាន់ត្រូវបានគេស្នើឱ្យចូលទៅសាកសួរនៅក្នុងតុលាការនៅឡើយទេ។ នៅក្រោមក្រមព្រហ្មទណ្ឌរបស់ប្រទេសសិង្ហបុរី វាខុសនឹងច្បាប់ក្នុងការបញ្ជូនសម្ភារៈអាសអាភាសដោយមធ្យោបាយអេឡិចត្រូនិច ឬចូលរួម ឬទទួលបានប្រាក់ចំណេញពីអាជីវកម្មណាមួយដែលសម្ភារៈទាំងនោះត្រូវបានបញ្ជូនទៅលើអ៊ីនធើណែត។ លោក Mark Teng នាយកប្រតិបត្តិនៃក្រុមហ៊ុនច្បាប់ That.Legal បាននិយាយថា "និយាយតាមបច្ចេកទេស វាផ្ទុយនឹងច្បាប់ក្នុងការផ្ញើរូបថតអាក្រាតកាយរបស់ខ្លួនឯង ទោះបីជាមានការយល់ព្រមក៏ដោយ"។

ករណីនេះបានធ្វើឱ្យមានការភ្ញាក់ផ្អើលយ៉ាងខ្លាំងនៅក្នុងស្រុក និងបាននាំមកនូវសំណួរថ្មីអំពីអត្ថន័យនេះសម្រាប់ Content Creator នៅលើគេហទំព័រ OnlyFans ក្នុងស្រុក។ វាក៏បានបង្កើតការជជែកវែកញែកកាន់តែទូលំទូលាយអំពីថាតើខ្លឹមសារបែបនេះគួរតែត្រូវបានដាក់ទណ្ឌកម្មនៅក្នុងប្រទេសសិង្ហបុរីដែរឬទេ។

"ត្រូវបានដាក់ខ្នោះដៃហើយដាក់ក្នុងការឃុំឃាំង"

ដំណើររបស់ Low នៅលើ OnlyFans បានចាប់ផ្តើមកាលពីប្រាំមួយខែមុន។ មុននោះគាត់បាន និយាយថា គាត់បានតស៊ូដើម្បីរកដំណោះស្រាយបញ្ហាជីវភាព ប៉ុន្តែគេហទំព័រនេះអនុញ្ញាតឱ្យគាត់ទទួលបានឯករាជ្យភាពផ្នែកហិរញ្ញវត្ថុ។ គាត់បានប្រាប់ BBC ថា "ក្នុងករណីរបស់ខ្ញុំ វាជារឿងយល់ស្របរវាងមនុស្សពេញវ័យ។ ដូច្នេះខ្ញុំមិនគិតថាមានបញ្ហាអ្វីទេ [នៅលើ OnlyFans]" ។ ប៉ុន្តែកាលពីខែតុលា ឆ្នាំមុន ប៉ូលីសប្រាំនាក់បានមកដល់ផ្ទះរបស់គាត់ដោយរឹបអូសទូរស័ព្ទ iPad និងព័ត៌មានលម្អិតនៃគណនី OnlyFans របស់គាត់។ ប៉ូលីសបាននិយាយថា ពួកគេបានទទួលរបាយការណ៍មួយប្រាប់ពួកគេថា លោក Low ត្រូវបានគេចោទប្រកាន់ថាបានបញ្ជូនសម្ភារៈអាសអាភាសតាមរយៈគណនី OnlyFans របស់គាត់។

គាត់ត្រូវបានព្រមានមិនឱ្យចូលប្រើគណនីនេះទៀតទេហើយបានព្រមានថា ការបំពាននេះនឹងអាចឈានដល់បទល្មើសព្រហ្មទណ្ឌ។ ប៉ុន្តែយោងតាមប៉ូលីស លោក Low បានចូលប្រើគណនីរបស់គាត់វិញដោយបានបន្តបង្ហោះ "សម្ភារៈអាសអាភាស" នៅលើវា ហើយក៏បានបើកគណនីបន្ទាប់បន្សំផងដែរ។
លោក Low បានប្រាប់ BBC ថាគាត់ព្យាយាមចូលទៅក្នុងគណនីរបស់គាត់វិញ ដោយសារគាត់ពឹងផ្អែកលើវាសម្រាប់ការចំណាយរបស់គាត់ដោយវេទិកានេះគឺជាប្រភពចំណូលសំខាន់របស់គាត់។ លោកបានបន្ថែមថា នៅថ្ងៃទី ២ ខែ វិច្ឆិកា ប៉ូលីសបានមកដល់ផ្ទះរបស់គាត់ម្ដងទៀតហើយបានរឹបអូសយកទូរស័ព្ទ   និងគណនី OnlyFans របស់គាត់ម្ដងទៀត។ ជាងមួយខែក្រោយមកគឺនៅថ្ងៃទី ២៩ ខែ ធ្នូ គាត់ត្រូវបានគេប្រាប់ឲ្យបង្ហាញខ្លួននៅប៉ុស្តិ៍ប៉ូលីស។

គាត់បន្តថា "ពួកគេបានប្រាប់ខ្ញុំថា ខ្ញុំនឹងត្រូវចោទប្រកាន់និងចាប់ខ្លួន... ខ្ញុំមានអារម្មណ៍ភ័យខ្លាចយ៉ាងខ្លាំងហើយវិធី ដែលគេប្រព្រឹត្តចំពោះខ្ញុំវា ដូចជាខ្ញុំ បានធ្វើរឿងអ្វីមួយអាក្រក់ណាស់អញ្ចឹង"។ គាត់ត្រូវបានគេចោទប្រកាន់ចំនួនពីរករណី គឺដោយចោទថាបានបញ្ជូនសម្ភារៈ អាសអាភាស តាមរយៈគណនី  OnlyFans និងពីបទមិនគោរពតាមបញ្ជាមិនឱ្យចូលគណនីរបស់អាជ្ញាធរ។ ករណីទី ១ជាប់ពន្ធនាគារដល់ទៅ ៣ ខែនិងករណីទី ២ ជាប់ពន្ធនាគារដល់ទៅ ៦ ខែ និងពិន័យជាប្រាក់៥ ពាន់ដុល្លារសិង្ហបុរី ។

ការចាប់ខ្លួនលោក Low បានធ្វើឱ្យសហគមន៍អ្នកប្រើប្រាស់ OnlyFans របស់ប្រទេសសិង្ហបុរីមានការព្រួយបារម្ភ។ Content Creator ក្នុងស្រុកម្នាក់ដែលប្រើឈ្មោះ LucyToday ប៉ាន់ប្រមាណថា ទីក្រុងមាន Content Creator ក្នុងស្រុកប្រហែល 100 នាក់ ហើយបាននិយាយថាពួកគេខ្លាចការចាប់ខ្លួនផងដែរ។
“វាជាការខកចិត្តខ្លាំងណាស់ក្នុងការគិតថា រដ្ឋាភិបាលកំពុងដាក់ទណ្ឌកម្មលើអ្វីដែលយើងធ្វើជាមួយផ្លូវភេទរបស់យើង នៅពេលដែលគ្មាននរណាម្នាក់ត្រូវបានប៉ះពាល់។ វាមានអារម្មណ៍ថា យើងត្រូវបានគេធ្វើទុក្ខបុកម្នេញសម្រាប់ "ឧក្រិដ្ឋកម្ម" ដែលគ្មានជនរងគ្រោះ”។ LucyToday និយាយថា នាងមានបំណងបន្តប្រើប្រាស់គេហទំព័រសម្រាប់ពេលនេះដោយបន្ថែមថានាងសង្ឃឹមថា "ប៉ូលីសនឹងមិនមករកខ្ញុំ" ។

Eugene Tan សាស្ត្រាចារ្យរងផ្នែកច្បាប់នៅសាកលវិទ្យាល័យគ្រប់គ្រងសិង្ហបុរីបានបន្ថែមថា ប៉ូលីសមិន "ចូលរួមក្នុងការឃ្លាំមើលការរំខាននៃវេទិកាប្រព័ន្ធផ្សព្វផ្សាយសង្គមនោះទេ។ " "[ប៉ុន្តែ] អ្នកដែលប្រើវេទិកាដើម្បីផលិត និងបញ្ជូនសម្ភារៈអាសអាភាស គឺមានសក្តានុពលនៅក្នុងរង្វង់នៃ [អាជ្ញាធរ] ដែលជាកន្លែងដែលអាជ្ញាធរដឹងពីការពាក់ព័ន្ធរបស់ពួកគេ។" ច្បាប់នេះពង្រីកមិនត្រឹមតែចំពោះខ្លឹមសារនៅលើគេហទំព័រដូចជា OnlyFans ប៉ុណ្ណោះទេ ប៉ុន្តែចំពោះសម្ភារៈអាសអាភាសណាមួយដែលត្រូវបានបញ្ជូនដោយមធ្យោបាយអេឡិចត្រូនិច។

ទោះជាយ៉ាងនេះក្តី លោកសាស្ត្រាចារ្យ Tan បន្ថែមថា វាមិនទំនងទេដែលសិង្ហបុរីនឹងកាត់ទោសលើបញ្ហាដូចជាការយល់ព្រមចំពោះការបញ្ជូនអាក្រាតកាយ ដោយបាននិយាយថា "នៅក្នុងយុត្តាធិការមួយចំនួនដូចជាចក្រភពអង់គ្លេស និងសហរដ្ឋអាមេរិក ការផលិត និងការបញ្ជូនសម្ភារៈអាសអាភាសគឺមិនខុសច្បាប់...[ហើយ] ជារឿយៗត្រូវបានផ្សារភ្ជាប់ទៅនឹងសេរីភាពនៃការបញ្ចេញមតិ" ។​​ សិង្ហបុរី មានទស្សនៈផ្ទុយគ្នាស្ទើរតែទាំងស្រុង។ សេរីភាពនៃការបញ្ចេញមតិ មិនពង្រីកដល់ការរឹតបន្តឹងសភា ដែលចាត់ទុកថាជា "ចាំបាច់"... ដើម្បីផលប្រយោជន៍នៃ "សណ្តាប់ធ្នាប់សាធារណៈ ឬសីលធម៌នោះទេ" ។ ប្រធានបទនៃការរួមភេទ នៅតែជាប្រធានបទមួយដែលនៅតែជាបម្រាមយ៉ាងទូលំទូលាយនៅក្នុងប្រទេសសិង្ហបុរី ដែលជាប្រទេសដែលការរួមភេទដោយមនុស្សភេទដូចគ្នានៅតែជាបទឧក្រិដ្ឋ ហើយមានច្បាប់តឹងរ៉ឹងជុំវិញការងារផ្លូវភេទ។

សម្លឹងទៅមុខ

ត្រលប់ទៅផ្ទះរបស់គាត់វិញ លោក Low និយាយថា គាត់នឹងផ្តោតលើការបង្ហោះនៅលើបណ្តាញទំនាក់ទំនងសង្គមផ្សេងទៀតដូចជា YouTube រហូតដល់គាត់ស្តាប់ការប្រកាសសាលក្រមរបស់គាត់សិន។ គាត់និយាយថា ប្រសិនបើគាត់ត្រូវបានរកឃើញថាមានកំហុស វាប្រហែលជាចំណុចបញ្ចប់មួយសម្រាប់អ្នកប្រើប្រាស់ក្នុងស្រុក។ "ប្រសិនបើរដ្ឋាភិបាលសម្រេចចិត្តដាក់គុកខ្ញុំ ខ្ញុំគិតថា [អ្នកបង្កើត (Content Creator) OnlyFans ក្នុងស្រុក] នឹងបិទ" គាត់និយាយថា គាត់អាចនឹងផ្លាស់ទៅក្រៅប្រទេសនៅពេលអនាគត ប្រសិនបើរឿងនេះកើតឡើង។ "ប៉ុន្តែប្រសិនបើពួកគេមិនធ្វើដូច្នេះទេ ប្រហែលជាមានអនាគតសម្រាប់អ្នកបង្កើត (Content Creator) OnlyFans នៅក្នុងប្រទេសសិង្ហបុរី"។

អត្ថបទដកស្រង់ពី Yvette Tan
បកប្រែនិងកែសម្រួលដោយ Mr. Blue