Washington -AP

លោក Colin Powell អតីតប្រធានសេនាធិការកងទ័ព និងជារដ្ឋមន្ត្រីក្រសួងការបរទេសអាមេរិក បានទទួលមរណភាពដោយសារផលវិបាកនៃជម្ងឺកូវីដ-19 ក្នុងជន្មាយុ៨៤ឆ្នាំ ក្រុមគ្រួសាររបស់លោកបាននិយាយ។ នៅក្នុងការប្រកាសតាមប្រព័ន្ធផ្សព្វផ្សាយសង្គម គ្រួសាររបស់លោកបាននិយាយថាលោកបានទទួលវ៉ាក់សាំងគ្រប់ដូស។ "យើងបានបាត់បង់ស្វាមី ឪពុក ជីតា ដែលគួរឲ្យកត់សំគាល់និងជាទីស្រឡាញ់ និងជាជនជាតិអាមេរិកដ៏អស្ចារ្យ" ក្រុមគ្រួសាររបស់លោកបាននិយាយ។

Powell គឺជាជនជាតិអាហ្រ្វិក-អាមេរិកាំងទី១ ដែលបានបំរើការជាប្រធានសេនាធិការចម្រុះនៃកងទ័ពអាមេរិក និងជារដ្ឋមន្ត្រីក្រសួងការបរទេស។ ប៉ុន្តែកិត្តិនាមរបស់លោកហាក់ដូចជាមានការឈឺចាប់ និងរងគ្រោះត្រឡប់មកវិញកាលពីឆ្នាំ២០០៣ នៅពេលដែលលោកទៅប្រឈមជាមួយនឹងក្រុមប្រឹក្សាសន្តិសុខនៃអ.ស.ប.នៅក្នុងករណីសង្រ្គាមអាមេរិកប្រឆាំងនឹងអៀរ៉ាក់។ លោកបានផ្តល់ព័ត៌មានខុសដោយបាននិយាយថា "Saddam Hussein មានលាក់ទុកនូវអាវុធប្រល័យលោក តែអៀរ៉ាក់បាននិយាយថា គេមិនមែនជាគេហទំព័រនៃការភូតកុហកទេ" លោកបាននិយាយប្រាប់អង្គការពិភពលោកយ៉ាងដូច្នេះ។

លោក Colin Powell គឺជាមនុស្សរបស់គណបក្សសាធារណរដ្ឋដែលនិយមកណ្តាល ហើយបានបែកចេញពីគណបក្សមកគាំទ្រលោកប្រធានាធិបតី Barack Obama នៅឆ្នាំ២០០៨ ហើយបានក្លាយទៅជាទីប្រឹក្សាយោធាដ៏មានទំនុកចិត្តក្នុងចំណោមអ្នកដឹកនាំអ្នកនយោបាយអាមេរិកមួយចំនួន។ លោកធ្លាប់បានទៅច្បាំងនៅប្រទេសវៀតណាមហើយត្រូវរងរបួស ដែលជាបទពិសោធន៍មួយ ដែលក្រោយមកបានកំណត់ឲ្យលោកក្លាយទៅជាអ្នកយុទ្ធសាស្ត្រនយោបាយ និងយោធា។

"វាជារឿងដ៏គួរឲ្យឈឺចាប់ ឈឺចាប់ជាទីបំផុតនៅក្នុងពេលនេះ" លោកបាននិយាយប្រាប់ ABC នៅក្នុងឆ្នាំ២០០៥៕