កាលពីថ្មីៗនេះ ស្ថានីយ៍ទូរទស្សន៍ប៉ុស្តិ៍ PNN បានលាតត្រដាងឡើងនូវរូបភាព Poster ចំនួន៥ និងចោទសំណួរឡើងពីសមាសភាពរបស់ Coach អនាមិកទាំង៥រូប ដែលនឹងក្លាយខ្លួនជាគណៈកម្មការនៃកម្មវិធីប្រលងចំរៀងរ៉េបដ៏ធំប្រចាំឆ្នាំរបស់ស្ថានីយ៍ទូរទស្សន៍ដែលមានឈ្មោះថា Rapper Fighter។ ដោយរូបភាព Poster របស់ Coach ទាំង៥ត្រូវបានទំលាក់រួចមកហើយនៅលើផេកផ្លូវការរបស់កម្មវិធីផ្ទាល់ នៅក្នុងនោះក៏សង្កេតឃើញថា រូបភាព Poster របស់ Coach ទី១ ត្រូវបានមហាជនជាច្រើនចាប់អារម្មណ៍ និងទស្សន៍ទាយឡើងថា នេះអាចជារូបរបស់លោកកៅ ពន្លឺ ដែលជាសមាជិករបស់ក្រុងក្មេងខ្មែរ។ ខណៈរូបភាព Poster របស់ Coach ទី២ វិញ ត្រូវបានមហាជនមួយចំនួនសន្និដ្ឋានឡើងថា ជារូបរបស់លោក MC Sey សមាជិករបស់ក្រុម CG Movement។
ចំណែកឯរូបភាព Poster របស់ Coach ទី៣វិញ ត្រូវបានពួកគេទស្សន៍ទាយឡើងថា ជារូបរបស់លោក Ruthko សមាជិករបស់ក្រុម KlapYaHandz។ រីឯរូបភាព Poster របស់ Coach ទី៤ ត្រូវបានទស្សន៍ទាយឡើងថា ជារូបរបស់លោក ជា សុជាតិ សមាជិកក្រុមក្មេងខ្មែរផងដែរ។ និងចុងក្រោយបង្អស់រូបភាព Poster របស់ Coach ទី៥ ពួកគេបានអះអាងឡើងថា ជារូបរបស់លោក Vuthea សមាជិករបស់ក្រុម KlapYaHandz ដូចគ្នា។ ចុះទស្សនិកជនវិញយល់ឃើញយ៉ាងណាចំពោះការទស្សន៍ទាយទាំងនេះ? យ៉ាងណាមិញផងដែរ ចំពោះការដាក់ពាក្យចូលរួមប្រកួតនឹងត្រូវបានជូនដំណឹងនាពេលក្រោយទៀតនៅក្នុងពេលឆាប់ៗនេះ!