កាលពីយប់ម៉ោង១១ឈានចូល១២រំលងអាធ្រាតថ្ងៃទី១៣ ខែសីហា កន្លងទៅនេះ លោកវណ្ណដាបានបញ្ចេញ ClipVideo ចំរៀងខ្លីៗចំនួនពីរដែលនៅមិនទាន់ស្គាល់ចំណងជើងបទចំរៀងនៅឡើយនៅក្នុងគណនី Instagram របស់លោកដែលមានឈ្មេាះថា therealvannda។លោកវណ្ណដាបានសរសេរជាមួយនឹងខេបសិនខ្លីមិនបានអត្ថន័យច្បាស់លាស់ថា «ជាប់ Loop អូន» ដែលធ្វើអោយអ្នកតាមដានគណនី Instagram បានត្រឹមតែដឹងថានេះប្រហែលជា Loop មួយវគ្គនៅក្នុងបទចំរៀងថ្មីរបស់លោកហើយ។ នេះជាការ Come Back បទចំរៀងថ្មីដែលប្លែកមួយបែបទៀតរបស់លោកវណ្ណដាដែលអ្នកនាំទ្ររបស់លោកមិនធ្លាប់ឃើញពីមុនមក ហាក់ដូចជាការបង្ហេាះបទចំរៀងខ្លីៗលេងធម្មតាអមដោយរូបភាពសេដៗនៅក្នុងវីឌីអូ។ យ៉ាងណាផងដែរ នៅក្នុង Clip Video ទាំងពីរនៃបទចំរៀងនេាះបានបង្ហាញឡើងដោយមួយមាន back ground ជាការជិះម៉ូតូដោយល្បឿនលឿនកាត់ទស្សនីយភាពទីក្រុងកណ្តាលរាត្រីដោយការប្រថុយប្រថាននឹងគ្រេាះថ្នាក់ហាក់ដូចជាការជិះកាត់ស្ត្រេសយ៉ាងដូច្នេាះឯង។
ចំនែកនៅក្នុងឃ្លីបមួយទៀតមានបង្ហាញនូវទស្សនីយភាពទីក្រុងនាពេលរាត្រីអមជាមួយបទភ្លេងមនោសញ្ចេតនាកំសត់ហាក់ដូចមានរឿងវិបត្តិអ្វីម្យ៉ាង។ រហូតធ្វើអោយអ្នកលេងក្នុងបណ្តាញសង្គម Instagram ក៏ដូចជាអ្នកគាំទ្ររបស់លោកផ្សេងៗទៀតធ្វើការខមមែននៅក្នុងការបង្ហេាះរបស់លោកថា តើលោកនឹក Ex មែន?អាយដលនឹកអ្នកណាគេ? បទថ្មីរបស់អាយដលឡូយកប់។ នៅក្នុងនេាះផងដែរឃើញថាមានការចូលរួមខមមែនពីលោក F.Hero ផងដែរដែលរូបលោកគឺជាសិល្បករថៃមកពីផលិតកម្ម High Cloud Entertainment និងបានធ្លាប់ច្រៀងរួមគ្នាជាមួយបទ Run The Town។ លោក Hero មានគណនីថា F.Hero ហើយបានធ្វើធ្វើការComment អបអរសារទរជាមួយនឹងការផុសនេះផងដែរ? តើនេះអាចជាសញ្ញាណមួយដែលមានការសហការគ្នាម្តងទៀត ឬ គ្រាន់តែគាំទ្រគ្នាទៅវិញទៅមក?
